8 mamyrda el aýmaǵynda naızaǵaı jarqyldap, nóser jaýyn jaýady
NUR-SULTAN. QazAqparat - «Qazgıdromet» sınoptıkteri 8 mamyr, jeksenbige arnalǵan aýa raıy boljamyn usyndy, dep habarlaıdy QazAqparat.
Atmosferalyq fronttarǵa baılanysty Qazaqstannyń basym bóliginde jańbyr jaýyp, naızaǵaı oınaıdy.
Eldiń batysynda nóser jaýyn jaýady.
Respýblıka boıynsha keı jerlerde jel kúsheıip, shańdy daýyl soǵady, batysta burshaq jaýady.
Almaty oblysynyń taýly aýdandarynda kúndiz kún kúrkireıdi. Oblystyń soltústiginde shańdy daýyl turady, oblystyń soltústiginde jáne taýly aýdandarda jel - 15-20, ekpini 25 m/s deıin kúsheıedi.
Túrkistan oblysynyń soltústiginde, batysynda shańdy daýyl kútiledi, soltústiginde, batysynda jáne oblystyń taýly aýdandarynda jel qarqyny - 15-20, kúndiz ekpini - 25 m/s. Kúndiz taýly aýdandarda naızaǵaı jarqyldaıdy.
Batys Qazaqstan oblysynyń ońtústik-shyǵysynda naızaǵaı, burshaq, daýyl, shańdy daýyl kútiledi, kúndiz oblystyń ońtústik-shyǵysynda jeldiń kúshi 15-20 m/s jetedi.
Atyraý oblysynyń ońtústiginde , shyǵysynda naızaǵaı, burshaq, shańdy daýyl kútiledi, jel qarqyny - 15-20 m/s, oblystyń ońtústiginde 23-28 m/s deıin kúsheıedi.
Mańǵystaý oblysynyń batysynda, soltústiginde, shyǵysynda naızaǵaı, burshaq, daýyl, shańdy daýyl kútiledi, oblystyń batysy men soltústiginde jeldiń jyldamdyǵy 17-22 m/s jetedi.
Aqtóbe oblysynyń ońtústiginde kúndiz naızaǵaı, burshaq, shańdy daýyl kútiledi, túnde oblystyń ońtústiginde, ortalyǵynda kúndiz oblystyń basym bóliginde jel ekpini - 15-20 m/s.
Qostanaı oblysynyń ońtústik-shyǵysynda jel qarqyny 15-20 m/s jetedi.
Qaraǵandy oblysynyń batysynda naızaǵaı, kúndiz oblystyń batysynda, ońtústiginde shańdy daýyl, túnde oblystyń batysynda, kúndiz basym bóliginde sekýndyna 15-20 metr jyldamdyqpen kúshti jel soǵady.
Shyǵys Qazaqstan oblysynyń ońtústiginde, shyǵysynda naızaǵaı, burshaq, daýyl, shańdy daýyl kútiledi, oblystyń ońtústik-batysynda, ortalyǵynda jeldiń kúshi - 15-20, ekpini - 23 m/s.
Qyzylorda oblysynyń soltústiginde jáne ortalyǵynda naızaǵaı oınap, daýyl, shańdy daýyl turady. Jel qarqyny oblystyń soltústiginde jáne ortalyǵynda 25 m/s deıin kúsheıedi.
Jambyl oblysynyń taýly aýdandarynda naızaǵaı, burshaq, daýyl kútiledi, oblystyń ońtústik-batysynda, soltústik-shyǵysynda jáne taýly aýdandarynda jel ekpini 23 m/s jetedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.
