8 mamyr kúni aýa raıy qandaı bolady
NUR-SULTAN. QazAqparat - «Qazgıdromet» RMK mamandary 8 mamyr kúni Qazaqstanda aýa raıy qandaı bolatynyn aıtty, dep habarlaıdy QazAqparat.
Qazaqstannyń basym bóligine antıtsıklonnyń áserinen jaýyn-shashynsyz aýa raıy saqtalady. Respýblıkanyń batys, ońtústik-batys jáne ońtústiginde atmosferalyq fronttardyń ótýine baılanysty keı jerlerde jańbyr jaýady.
Kúndiz ońtústiktin taýly aımaqtarynda nóser jaýyn jaýady. Keı jerlerde jel kúsheıip, batysta, ońtústik-batysta jáne ońtústikte – naızaǵaı jarqyldap, daýyl soǵady, burshaq jaýady.
Ońtústik-batysta túnde jáne tańerteń keı jerlerinde tuman kútiledi.
Mańǵystaý oblysynda keı jerlerde jel 18 m/s kúsheıedi, naızaǵaı, burshaq, túnde jáne tańerteń keı jerlerinde tuman túsedi.
Túrkistan, kúndiz Batys Qazaqstan oblystarynyń keı jerlerinde jel 15-20 m/s deıin kúsheıedi, naızaǵaı oınap, burshaq jaýady. Túrkistan oblysynyń keı jerlerinde daýyl soǵady.
Jambyl, Qyzylorda oblystarynyń keı jerlerinde kún kúrkireıdi, jel ekpini - 15-20 m/s.
Aqtóbe, Qaraǵandy, Pavlodar, Shyǵys Qazaqstan, Qostanaı oblystarynyń keı jerlerinde jel jyldamdyǵy sekýndyna 15-20 metrge jetedi. Qaraǵandy oblysynda jel ekpini - 23 m/s.
Almaty oblysynyń Alakól aýdanynda jel 15-20 m/s kúsheıedi.
