8 mamyr Qazaqstannyń barlyq aımaǵynda aýa raıy turaqsyz bolady - Qazgıdromet
ASTANA. QazAqparat - 8 mamyr kúni Qazaqstannyń barlyq aımaqtarynda atmosferalyq frontaldy bólikterdiń ótýine baılanysty turaqsyz aýa raıy kútiledi, keı jerlerinde ótkinshi jańbyr jaýyp, naızaǵaı bolady, jeldiń kúsheıýi kútiledi, batysta keı jerlerde burshaq bolady. Ońtústik-shyǵysta aýa raıy jaýyn-shashynsyz bolady. Bul týraly «Qazgıdromet» habarlady.
Aqmola, Jambyl, Soltústik Qazaqstan, Pavlodar, Shyǵys Qazaqstan, kúndiz Qaraǵandy oblystarynyń keı jerlerinde naızaǵaımen jel 15-20 m/s bolady. Ońtústik Qazaqstan, Mańǵystaý oblystarynyń keı jerlerinde naızaǵaı, kúndiz jel 15-20 m/s bolady. Qyzylorda, Atyraý, Aqtobe oblystarynyń keı jerlerinde naızaǵaı kútiledi. Batys Qazaqstan oblysynda naızaǵaı, keı jerlerinde burshaq, jel 15-20 m/s bolady. Qostanaı oblysynyń keı jerlerinde naızaǵaımen jel 15-20 m/s, tuman kútiledi. Qaraǵandy oblystarynyń keı jerlerinde óte joǵary órt qaýipi saqtalady.
