8 qyrkúıekte Qazaqstanda tuńǵysh ret Otbasy kúni atalyp ótedi
ASTANA. 28 tamyz. QazAqparat - 8 qyrkúıekte Qazaqstanda tuńǵysh ret Otbasy kúni atalyp ótedi. Bul týraly búgin QR Prezıdenti janyndaǵy Ortalyq kommýnıkatsııalar ortalyǵynyń resmı ókili Altaı Ábıbýllaev málim etti.
"Memleket basshysynyń Jarlyǵymen bul kún osy jyldan bastap qyrkúıek aıynyń ekinshi jeksenbisinde atalyp ótiledi. El Prezıdenti memleket - otbasydan bastalatynyn jáne bizdiń qoǵamda negizgi otbasylyq qundylyqtardy nyǵaıtýdyń mańyzdylyǵyna erekshe nazar aýdaryp otyrǵandyǵyn taǵy da atap ótkim keledi. Otbasy kúnine oraı 6 qyrkúıek kúni Respýblıkalyq áıelder keńesi "Otbasy jáne urpaqtyq-áleýmettik ádilettilik" taqyrybynda halyqaralyq konferentsııa uıymdastyrady", - dedi A.Ábıbýllaev.
