8 qyrkúıek kúni respýblıkanyń soltústik aımaǵynda burshaq jaýýy yqtımal
ASTANA. QazAqparat - 8 qyrkúıek kúni Qazaqstan aımaqtarynyń basym bóliginde atmosferalyq frontaldy bólikterdiń ótýine baılanysty keı jerlerde jańbyr jaýady, naızaǵaı bolady, ekpindi jel soǵady, soltústikte burshaq bolýy yqtımal, tek respýblıkanyń ońtústik-shyǵysy jáne shyǵysynda jaýyn-shashynsyz aýa raıy kútiledi. Bul týraly QR ІІM TJK habarlady. Soltústik-batystyń keı jerlerinde túnde jáne tańerteń tuman kútiledi.
Soltústik Qazaqstan oblysynyń keı jerlerinde burshaq kútiledi, jel 15-20 m/s kúsheıedi. Aqmola oblysynyń keı jerlerinde jel 15-20 m/s kúsheıedi, kúndiz burshaq bolady. Qostanaı oblysynyń keı jerlerinde túnde jáne tańerteń tuman bolady, kúndiz jel 18 m/s kúsheıedi. Qaraǵandy, Pavlodar, Batys Qazaqstan oblystarynda, túnde Mańǵystaý oblysynda, túnde jáne tańerteń Jambyl, Ońtústik Qazaqstan, Qyzylorda, Atyraý oblystarynda jel 15-20 m/s kúsheıýi kútiledi.
Kúndiz Almaty oblysynda qatty ystyq kútiledi. Atyraý, Aqtóbe, Qyzylorda, Ońtústik Qazaqstan, Qaraǵandy, Almaty oblystarynda, Jambyl, Batys Qazaqstan, Aqmola, Shyǵys Qazaqstan oblystarynyń keı jerlerinde óte joǵary órt qaýipi saqtalady.
