8 qyrkúıek kúngi aýa raıy boljamy
NUR-SULTAN. QazAqparat – 8 qyrkúıekte Qazaqstannyń basym bóliginde aýa raıy qubylmaly bolady. Keı jerlerde jańbyr jaýyp, jel kúsheıedi, daýyl, tuman, burshaq jaýýy yqtımal. Tek batysta jaýyn-shashynsyz aýa raıy saqtalady, dep habarlaıdy QazAqparat.
«Qazgıdromet» RMK málimetinshe, Qaraǵandy, Pavlodar, Shyǵys Qazaqstan, Soltústik Qazaqstan, Qostanaı, Aqmola oblystarynyń keı jerlerinde jel 15-20 m/s kúsheıedi, tuman kútiledi.
Qaraǵandy oblysynda burshaq jaýýy yqtımal. Kúndiz Jambyl, Qyzylorda oblystarynyń keı jerlerinde naızaǵaı jarqyldap, jeldiń jyldamdyǵy 15-20 m/s jetedi. Jambyl oblysynyń keı jerlerinde burshaq jaýýy múmkin. Kúndiz Túrkistan oblysynyń keı jerlerinde naızaǵaı, jeldiń 15-20 m/s kúsheıýi kútiledi.
Túrkistan, Atyraý, Qyzylorda, Jambyl, Qaraǵandy oblysynyń keı jerlerinde, Aqtóbe oblysynyń ońtústiginde, Almaty oblysynyń jekelegen aýdanynda óte joǵary órt qaýpi saqtalady.
