8 qyrkúıekte Astana men 15 óńirde kún raıy buzylady - Qazgıdromet
ASTANA. KAZINFORM – 8 qyrkúıekte Astana qalasy men Qazaqstannyń 15 oblysynda naızaǵaı, burshaq, daýyl, qatty jel jáne joǵary órt qaýpine baılanysty daýyldy eskertý jarııalandy, dep habarlaıdy «Qazgıdromet» RMK.
Astanada joǵary órt qaýpi saqtalady.
Aqmola oblysynyń batysynda, soltústigi men ońtústiginde kúndiz ońtústik-shyǵystan soǵatyn jeldiń ekpini 15-20 m/s-qa jetedi. Bul aýdandarda joǵary órt qaýpi saqtalady.
Aqtóbe oblysynyń batysy men soltústiginde túnde jańbyr jaýyp, naızaǵaı oınaıdy. Kúndiz jańbyr men naızaǵaı kútilip, batysy men soltústiginde burshaq jaýyp, daýyl soǵýy múmkin. Jel ekpini 15-20 m/s-qa jetedi. Oblys boıynsha tótenshe órt qaýpi saqtalady.
Atyraý oblysynda túnde jańbyr jaýyp, naızaǵaı oınaıdy. Soltústiginde, batysy men ońtústiginde keı ýaqytta qatty jańbyr, burshaq jáne daýyl kútiledi. Túnde jáne tańerteń soltústigi men shyǵysynda tuman túsedi. Jeldiń ekpini 15-20 m/s-qa jetedi. Óńirde tótenshe órt qaýpi saqtalady.
Almaty oblysynyń ortalyǵy, batysy men shyǵysynda tótenshe, soltústiginde joǵary órt qaýpi saqtalady.
Jambyl oblysynyń soltústik-shyǵysy men taýly aýdandarynda túnde soltústik-shyǵystan soǵatyn jeldiń ekpini 15-20 m/s bolady.
Jetisý oblysynyń taýly aýdandarynda kúndiz azdaǵan jańbyr jaýyp, naızaǵaı oınaıdy. 8-9 qyrkúıekte Alakól mańynda soltústik-batystan soǵatyn jeldiń ekpini 15-20 m/s-qa jetedi.
Batys Qazaqstan oblysynda túnde jańbyr jaýyp, naızaǵaı oınaıdy, soltústigi men shyǵysynda qatty jańbyr kútiledi. Kúndiz jańbyr, naızaǵaı, burshaq jáne daýyl boljanady. Jel ekpini 15-20 m/s bolady. Óńirde tótenshe órt qaýpi saqtalady.
Qaraǵandy oblysynyń batysy men ońtústik-shyǵysynda kúndiz ońtústik-shyǵystan soǵatyn jeldiń ekpini 18 m/s-qa jetedi. Batysy, shyǵysy men ortalyǵynda joǵary órt qaýpi saqtalady.
Qostanaı oblysynyń batysynda kúndiz azdaǵan jańbyr jaýyp, naızaǵaı oınaıdy. Jel ekpini 15-20 m/s-qa jetedi. Oblystyń ońtústigi, ońtústik-shyǵysy men ortalyǵynda tótenshe órt qaýpi saqtalady.
Qyzylorda oblysynyń batysynda kúndiz azdaǵan jańbyr jaýyp, naızaǵaı oınaıdy. Oblys boıynsha tótenshe órt qaýpi saqtalady.
– Mańǵystaý oblysynda túnde jańbyr jaýyp, naızaǵaı oınaıdy, soltústik-batysynda qatty jańbyr men burshaq kútiledi. Soltústik-batystan soǵatyn jeldiń jyldamdyǵy 15-20 m/s, batysy men ortalyǵynda ekpini 23-28 m/s-qa deıin jetedi, – delingen boljamda.
Pavlodar oblysynda shyǵystan jel soǵyp, kúndiz óńirdiń shyǵysynda ekpini 15-18 m/s bolady. Soltústigi men ońtústiginde joǵary órt qaýpi saqtalady.
Soltústik Qazaqstan oblysynyń ońtústiginde túnde jáne tańerteń tuman túsedi. Kúndiz ońtústik-shyǵystan soǵatyn jeldiń jyldamdyǵy 15-20 m/s, batysy men ońtústiginde ekpini 25 m/s-qa jetedi.
Túrkistan oblysynyń batysy men soltústiginde tuman kútiledi. Batysy, soltústigi, taýly jáne taý bókterindegi aýdandarda jeldiń jyldamdyǵy 15-20 m/s bolady.
Ulytaý oblysynyń batysy men soltústiginde ońtústik-shyǵystan soǵatyn jeldiń ekpini 15-20 m/s-qa jetedi. Óńirde tótenshe órt qaýpi saqtalady.
Aıta keteıik, Qazaqstanda kúz jyly ári qubylmaly bolady dep boljanyp otyr.
