8 qyrkúıek. Kazinform kúntizbesi. Tulǵalar týǵan kún

Beıbit JÚSІPOV, Aqmola oblystyq máslıhatynyń tóraǵasy

1961 jyly Kókshetaý oblysy, Zerendi aýdany, Qarabulaq aýylynda dúnıege kelgen. Sh. Ýálıhanov atyndaǵy Kókshetaý memlekettik ýnıversıtetin «Matematıka jáne fızıka páni muǵalimi» mamandyǵy boıynsha (1984) bitirgen.

Eńbek joly: Ýálıhanov aýdanynyń Ońtústik orta mektebiniń, Zaborovka negizgi mektebiniń, Qarabulaq orta mektebiniń, Zerendi aýdanynyń Zerendi qazaq orta mektebiniń dırektory (1984-2001); Zerendi aýdany bilim bóliminiń basshysy (2001-2013); Zerendi aýdany ákiminiń orynbasary (2013-2014); Aqmola oblysy bilim basqarmasy basshysynyń orynbasary (2014-2015); Kókshetaý qalasy bilim bóliminiń basshysy (2015-2019); Kókshetaý qalasy ákiminiń orynbasary (2019-2020); Aqmola oblysy bilim basqarmasynyń basshysy (2020-2023).

Qazirgi qyzmetin 2023 jylǵy naýryz aıynan bastap atqaryp keledi.

Serik NÓGERBEKOV, G-Global halyqaralyq hatshylyǵynyń basshysy

1962 jyly Qaraǵandy oblysynda dúnıege kelgen. Qaraǵandy kooperatıvtik ınstıtýtyn «Ekonomıst-uıymdastyrýshy» mamandyǵy boıynsha (1984) bitirgen.

Eńbek joly: Qarqaraly qoǵamdyq tamaqtaný kásipornynyń ekonomısi, Qarqaraly mal dárigerlik tehnıkýmynda komsomol komıtetiniń hatshysy (1984-1986); Qazaqstan LKJO Qarqaraly aýdandyq komıtetiniń ekinshi hatshysy, «Qaraǵandy Transagenttik» ATK Qarqaraly agenttiginiń bastyǵy. 1988 jylǵy jeltoqsan — 1991 jylǵy mamyr aralyǵynda — Agroónerkásip kesheni kásipodaq qyzmetkerleriniń Qarqaraly aýdandyq komıtetiniń nusqaýshysy. 1991 jylǵy mamyr — 1992 jylǵy qańtar aralyǵynda — «Altyn Emel» AQ-da jabdyqtaý jónindegi menedjer bolyp jumys atqarǵan. 1992 jylǵy qańtar — 1994 jylǵy aqpan aralyǵynda — Respýblıkalyq syrtqy ekonomıkalyq «Qazónerkásipeksport» kásiporyny «Kómir-eksport» fırmasynyń dırektory. 1994 jylǵy aqpan — 1998 jylǵy maýsym aralyǵynda — Memlekettik syrtqy ekonomıkalyq «Qazybek» korporatsııasynyń vıtse-prezıdenti. 1998 jylǵy maýsym — 2000 jylǵy qańtar aralyǵynda — Qazaqstan Respýblıkasyndaǵy Memleketaralyq «Mır» teleradıokompanııasynyń fılıaly dırektorynyń orynbasary. 2000 jylǵy qańtar — tamyz aralyǵynda — «Aımaqaralyq klırıng palatasy» AAQ Dırektorlar keńesiniń tóraǵasy. 2000 jylǵy tamyz — 2002 jylǵy shilde aralyǵynda — Qaraǵandy oblystyq Qarjy basqarmasynyń bastyǵy. 2002 jylǵy shilde — 2005 jylǵy qyrkúıek aralyǵynda — Qazaqstan Respýblıkasy Kólik jáne kommýnıkatsııalar mınıstrligi Qarjylyq retteý departamentiniń dırektory. 2005 jylǵy qyrkúıek — 2007 jylǵy aqpan aralyǵynda — «Esnur jáne K» JShS Dırektorlar keńesiniń tóraǵasy. 2007 jylǵy aqpan — 2009 jylǵy maýsym aralyǵynda — Qazaqstan Respýblıkasy Ekonomıka jáne bıýdjettik josparlaý mınıstrligi «Ekonomıkalyq zertteýler ınstıtýty» AQ Prezıdenti. 2009 jylǵy maýsym — 2012 jylǵy qarasha aralyǵynda — Qazaqstan Respýblıkasy Prezıdenti Ákimshiligi Áleýmettik-ekonomıkalyq monıtorıng bóliminiń meńgerýshisi. 2012 jylǵy qarasha — 2015 jylǵy qyrkúıek aralyǵynda — Qazaqstan Respýblıkasy Parlamenti Senatynyń besinshi shaqyrylymynyń depýtaty. 2015-2020 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.

Qazirgi qyzmetin 2021 jyldan bastap atqaryp keledi.

«Parasat» ordenimen (2015 jyly), «Eren eńbegi úshin»medalimen (2008 jyly), III dárejeli «Qarjy saqshysy» vedomstvolyq medalimen (2016), sondaı-aq mereıtoılyq jáne vedomstvolyq medaldarmen marapattalǵan.

Azat PERÝAShEV, saıası qaıratker

1967 jyly Jambyl oblysynda dúnıege kelgen. M. Gorkıı atyndaǵy Oral memlekettik ýnıversıtetin «Saıasattanýshy» mamandyǵy boıynsha (1991) bitirgen. QR Prezıdenti janyndaǵy Ulttyq joǵary memlekettik basqarý mektebin «Memlekettik basqarý menedjeri» mamandyǵy boıynsha (1996) támamdaǵan; Jetisý ekonomıkalyq ınstıtýtyn «Ekonomıst-menedjer» mamandyǵy boıynsha (2000) bitirgen.

Eńbek joly: Qıyr Soltústik portynda júk tasýshy qyzmetin atqarǵan (1988); 1991 j. — Qazaqstan Kompartııasy Panfılov aýdandyq komıtetiniń nusqaýshysy. 1992 — 1995 jyldary — Taldyqorǵan oblysy ákimshiliginiń konsýltanty, sektor meńgerýshisi. 1996 — 1998 jyldary — QR Prezıdenti Ákimshiliginiń konsýltanty, sektor meńgerýshisi. 1998 — 2005 jyldary — «Qazaqstan alıýmınııi» AQ bas dırektorynyń orynbasary, vıtse-prezıdenti. 2006 j. — Qazaqstan Azamattyq partııasy Ortalyq komıtetiniń birinshi hatshysy. 2006 — 2011 jyldary «Atameken» QUEP basqarmasynyń tóraǵasy. 2011 jylǵy shildeden — «Aq jol» QDP tóraǵasy. QR Parlamenti Májilisiniń V shaqyrylymynyń depýtaty, Ekonomıkalyq reforma jáne óńirlik damý komıtetiniń múshesi (2012-2016); QR Parlamenti Májilisiniń VI shaqyrylymynyń depýtaty, Ekonomıkalyq reforma jáne óńirlik damý komıtetiniń múshesi (2016-2021); QR Parlamenti Májilisiniń VII shaqyrylymynyń depýtaty, Ekonomıkalyq reforma jáne óńirlik damý komıtetiniń múshesi; QR Parlamenti Májilisiniń VIII shaqyrylymynyń depýtaty (2023-2026).

II dárejeli «Dostyq» ordenimen (2001), III dárejeli «Barys» ordenimen (2008), medaldarmen jáne vedomstvolyq nagradalarmen marapattalǵan. 1991 jyly Máskeýde ótken keńes-amerıkalyq «Mádenı bastama» qorynyń jas ǵalymdar syılyǵynyń laýreaty.

Dmıtrıı KOLODA, memleket qaıratkeri

1975 jyly Soltústik Qazaqstan oblysynda dúnıege kelgen. Petropavl esep-ekonomıkalyq tehnıkýmyn (1993), Soltústik Qazaqstan ýnıversıtetin (1997), Qorǵan memlekettik ýnıversıtetin (2000) támamdaǵan.

Eńbek joly: 1997-1999 jyldary Soltústik Qazaqstan oblysy Sergıev aýdany prokýrorynyń aǵa kómekshisi qyzmetin atqarǵan. 1999-2000 jyldary Soltústik Qazaqstan oblysy prokýratýrasy janyndaǵy QSjAO qylmys týraly statıstıkany qalyptastyrý bóliminiń aǵa prokýrory. 2000-2004 jyldary Soltústik Qazaqstan oblysy Shal aqyn aýdany prokýrorynyń kómekshisi, 2004 jyly Soltústik Qazaqstan oblysy Aıyrtaý aýdany prokýrorynyń kómekshisi, 2004-2005 jyldary Soltústik Qazaqstan oblysy Tımırıazev aýdanynyń ádilet bóliminiń bastyǵy, 2005-2007 jyldary Soltústik Qazaqstan oblysy Tımırıazev aýdany ádilet basqarmasynyń bastyǵy, 2007-2020 jyldary Soltústik Qazaqstan oblysy Ádilet departamenti basshysynyń orynbasary, 2020-2021 jyldary «Birlik» zań qyzmetteri ortalyǵy «JShS dırektory. QR Parlamenti Májilisiniń VII shaqyrylymynyń depýtaty, Zańnama jáne sot-quqyqtyq reforma komıtetiniń múshesi (2021-2023); QR Parlamenti Májilisiniń VIII shaqyrylymynyń depýtaty (2023-2026).

«Qazaqstan Konstıtýtsııasyna 25 jyl» (2020), «Qazaqstan halqy Assambleıasyna 25 jyl» (2020), «Astana 20 jyl» (2018), «Qazaqstan Respýblıkasynyń Táýelsizdigine 25 jyl» (2016), «Ádilet organdary júıesin damytýǵa qosqan úlesi úshin» medaldarymen; «Ádilet organdary júıesiniń qurmetti qyzmetkeri», «Zańger» II jáne III dárejeli tósbelgilerimen marapattalǵan.

Dınara NAÝMOVA, Quryltaı depýtaty

1997 jyly Astana qalasynda dúnıege kelgen. Tehnologııa jáne bıznes kolledjin «Munaı men gazdy óńdeý tehnologııasy» mamandyǵy boıynsha (2017) bitirgen. Almaty qalasyndaǵy «Professionalize Kazakhstan» bıznes mektebin (2018), Tehnologııa jáne bıznes ýnıversıtetin «Organıkalyq zattardyń hımııalyq tehnologııasy» mamandyǵy boıynsha (2021) támamdaǵan.

Eńbek joly: Qazaqstandaǵy Inklıýzıvti qoǵamdy damytý qaýymdastyǵynyń prezıdenti (2022); Qabanbaı batyr kentindegi Qazaqstandaǵy alǵashqy ınklıýzıvti fıtnes-ortalyqtyń negizin qalaýshy (2022). Qazaqstan Respýblıkasy Prezıdentiniń janyndaǵy jastar saıasaty jónindegi keńestiń múshesi (2022); Qazaqstan Respýblıkasy Aqparat jáne qoǵamdyq damý mınıstrliginiń Qoǵamdyq keńesiniń múshesi (2022); QR Parlamenti Májilisiniń VIII shaqyrylymynyń depýtaty, Zańnama jáne sot-quqyqtyq reforma komıtetiniń múshesi (2023-2026).

Qazirgi qyzmetin 2026 jylǵy tamyz aıynan bastap atqaryp keledi.

Lev TARAKOV, jýrnalıst, qoǵam qaıratkeri

1966 jyly Ýkraına KSR-niń Cherkassk oblysynda dúnıege kelgen. Kıev joǵary áskerı-teńiz saıası ýchılışesin «Tarıh jáne qoǵamtaný pánderiniń oqytýshysy» mamandyǵy boıynsha bitirgen.

Eńbek joly: 1988-1992 jyldary Soltústik flot kemelerinde saıası ofıtser qyzmetin atqardy. 1992-1994 jyldary QR Baspasóz jáne buqaralyq aqparat mınıstrliginiń saraptamalyq-taldaý jumysy basqarmasynda jetekshi maman, bas maman, basqarma bastyǵynyń orynbasary, bas basqarma bastyǵy laýazymdarynda eńbek etti. 1994-1997 jyldary QR Prezıdenti janyndaǵy Taldaý jáne strategııalyq zertteýler ortalyǵynyń sektor meńgerýshisi, basshynyń orynbasary, birinshi orynbasary boldy. 1997 jylǵy mamyr-jeltoqsan aralyǵynda QR QSZI dırektory, 1997-1998 jyldary QR Aqparat jáne qoǵamdyq kelisim vıtse-mınıstri qyzmetterin atqardy. 1998-2002 jyldary QR Prezıdentiniń baspasóz qyzmetin basqardy. 2002-2004 jyldary Qazaqstannyń Reseı Federatsııasyndaǵy Elshiliginiń keńesshi-ýákili boldy.

2004 jyly «Izvestııa-Kazahstan» gazetiniń bas redaktory, 2004-2008 jyldary «Liter-Media» JShS atqarýshy dırektory, 2008-2012 jyldary «Lıter» gazeti» JShS bas dırektory qyzmetterin atqardy. 2021-2025 jyldary «Vremıa» qoǵamdyq-saıası gazetiniń bas redaktory boldy.

«Qurmet» ordenimen (2009), «Astana», «Qazaqstan Respýblıkasynyń táýelsizdigine 10 jyl» medaldarymen marapattalǵan.