8 qazan kúni Qazaqstanda ótetin mańyzdy sharalar

NUR-SULTAN

Saǵat 08.30-da Astana Hub halyqaralyq IT-startaptar tehnoparki men BUU Balalar Qory (ıÝNISEF) «Social Innovation» áleýmettik ınnovatsııalar zerthanasyn iske qosady.

Saǵat 10.00-de Elbasy kitaphanasynyń basshylyǵy men Ekskýrsııalyq qyzmet elordanyń týrıstik salasyn josparlaý, damytý jáne ilgeriletý jónindegi negizgi ujym «Astana Konvenshn Bıýro» ókilderimen, ishki týrızmmen aınalysatyn týrıstik kompanııalardyń ekskýrsııa jetekshileri jáne gıd-aýdarmashylarymen, qala mektepteri men kolledjderdiń synyptan tys jumys uıymdastyrýshylarymen kezdesý ótkizedi.

Saǵat 15.15-te Prezıdent Ákimshiligi ǵımaratynda Qýanysh Sultanovtyń tóraǵalyǵymen QR Prezıdenti janyndaǵy Adam quqyqtary jónindegi komıssııanyń elorda turǵyndaryn sapaly aýyz sýmen qamtamasyz etý jáne tutynýshylar quqyǵyn qorǵaýǵa arnalǵan keńeıtilgen otyrysy ótedi.

Saǵat 16.00-de «Shabyt» QazUÓÝ Kásipodaqtar federatsııasy Kásipodaqtar kúnine arnap saltanatty shara ótkizedi.

Saǵat 16.30-da «Jekpe-jek» saraıynda erler men áıelder arasynda kıokýshınkaı karateden IV Álem chempıonaty bastalady.

ALMATY

Saǵat 08.30-da Voznesenskıı soborynyń resmı ashylýy ótedi.

Saǵat 11.00-de Qazaqstan Baspasóz klýbynda «Qazaqstandaǵy kraýdfandıng: qarjy naryǵynyń qaıyrymdylyq nemese perspektıvti segmenti» taqyrybyndaǵy shara aıasynda baspasóz ókilderine tańǵy as beriledi.

Saǵat 19.00-de Joldasbekov atyndaǵy Stýdentter saraıynda QR Eńbek sińirgen ártisi Aıjan Nurmaǵambetovanyń avtorlyq kontsert-mıýzıkli ótedi.