8 qazan kúni elimizdiń basym bóliginde jel kúsheıedi - Qazgıdromet
ASTANA. QazAqparat - Qazaqstan aýmaǵynyń kóp bóliginde atmosferalyq frontaldy aǵyndardyń áserinen qubylmaly aýa raıy saqtalyp, keı jerlerde jaýyn jaýyp, jel kúsheıip, tuman túsedi dep kútiledi. Tek respýblıkanyń batysy men ońtústik-batysynda jaýyn-shashyn bolmaıdy.
Bul týraly «Qazgıdromet» habarlady. Aqmola, Soltústik Qazaqstan, Qaraǵandy, Ońtústik Qazaqstan, Jambyl oblystarynda túnde jáne Qostanaı oblystarynda kúndiz tuman túsip, jel kúsheıip, sekýndyna 15-22 metrge jetedi. Aqtóbe oblysynda, Mańǵystaý oblysynda keı jerlerde túnde jáne kúndiz tuman túsedi. Shyǵys Qazaqstan oblysynda, kúndiz Pavlodar oblysynda keı jerlerde jel kúsheıip, sekýndyna 15-20 metrge deıin jetedi. Almaty oblysynda keı jerlerde tuman túsip, jeldiń kúshi sekýndyna 15-20, kúndiz 25 metrge deıin jetedi. Respýblıkanyń batysynda, soltústik-batysy, ońtústigi men ortalyǵynda joǵary órt qaýipsizdigi saqtalady.
