8 qazan. Kazinform kúntizbesi. Tulǵalar týǵan kún
ASTANA. KAZINFORM – Kazinform agenttigi 8 qazanda dúnıege kelgen belgili qazaqstandyqtardyń tizimin usynady.
1971 jyly Qazaqstan Respýblıkasy Qarýly Kúshteri Bas shtaby bastyǵynyń orynbasary Asqar Jolamanov dúnıege keldi.
Asqar Ahmetuly Jolamanov Shyǵys Qazaqstan oblysynda týǵan. 1993 jyly Qazaq polıtehnıkalyq ınstıtýtyn, 2007 jyly Mıhaılov áskerı artıllerııa akademııasyn, 2015 jyly Ulttyq qorǵanys ýnıversıtetiniń fakýltetin támamdaǵan.
1994-2005 jyldary vzvod komandırinen bastap áskerı bólim komandıriniń orynbasary – shtab bastyǵyna deıingi túrli qyzmetterdi atqardy.
2007 jyly №29108 áskerı bólim komandıriniń orynbasary, 2007–2011 jyldary №10181 áskerı bólim komandıri boldy.
2011-2012 jyldary QR Qarýly Kúshteri Aeroutqyr áskerleri qolbasshysynyń atys zaqymdaý jónindegi orynbasary – artıllerııa bastyǵy, 2012–2013 jyldary Aeroutqyr áskerleriniń zymyran áskerleri men artıllerııasynyń bastyǵy qyzmetterin atqardy.
2015-2017 jyldary QR Qarýly Kúshteri zymyran áskerleri men artıllerııasy qolbasshysynyń birinshi orynbasary – shtab bastyǵy, 2017–2018 jyldary Qurlyq áskerleri zymyran áskerleri men artıllerııasy qolbasshysynyń orynbasary – shtab bastyǵy boldy.
2018-2022 jyldary Qazaqstan Respýblıkasy Qarýly Kúshteri Qurlyq áskerleriniń zymyran áskerleri men artıllerııasyn basqardy.
2022-2024 jyldary Ulttyq qorǵanys ýnıversıteti bastyǵynyń orynbasary – Qarýly Kúshter Bas shtaby akademııasy fakýltetiniń bastyǵy qyzmetin atqardy.
2024 jyldyń shildesinen bastap qazirgi laýazymynda.
1971 jyly Qazaqstan Respýblıkasynyń Reseı Federatsııasyndaǵy Qazan qalasynyń bas konsýly Erlan Ysqaqov dúnıege keldi.
Erlan Uzanuly Ysqaqov Almaty qalasynda týǵan. 1993 jyly Qazaq memlekettik basqarý akademııasyn «Ekonomıka» mamandyǵy boıynsha támamdaǵan.
1993–1998 jyldary Qazaqstan Ulttyq bankinde jetekshi maman, keıin Syrtqy ister mınıstrliginiń halyqaralyq uıymdar jáne ekonomıkalyq qatynastar basqarmasynda referent, attashe, úshinshi jáne ekinshi hatshy qyzmetterin atqardy.
1998–2002 jyldary Qazaqstannyń BUU janyndaǵy Turaqty ókildiginde ekinshi hatshy, Nıý-Iork pen Gavana qalalarynda konsýl boldy.
2002–2006 jyldary Syrtqy ister mınıstrliginiń Investıtsııalar komıteti hatshylyǵynyń basshysy, Eýropa bóliminiń bastyǵy qyzmetterin atqardy.
2006–2007 jyldary Qazaqstannyń Vengrııadaǵy elshiliginde keńesshi, 2007–2008 jyldary Syrtqy ister mınıstrliginiń aqparat basqarmasynyń bastyǵy, Halyqaralyq aqparat komıteti tóraǵasynyń orynbasary boldy.
2008–2014 jyldary METRO Cash & Carry Kazakhstan kompanııasy bas dırektorynyń orynbasary qyzmetin atqardy.
2014–2017 jyldary Qazaqstannyń Germanııadaǵy elshiliginde keńesshi jáne keńesshi-ýákil, 2018–2019 jyldary SІM Syrtqy ekonomıkalyq saıasat departamenti dırektorynyń orynbasary boldy.
2019–2021 jyldary SІM-niń Almatydaǵy ókildigin basqardy. 2021 jyly Syrtqy ister mınıstrligi apparatynyń basshysy qyzmetin atqardy.
2021 jyldyń tamyzynan bastap Qazaqstannyń Qazan qalasyndaǵy bas konsýly.
1976 jyly Qazaqstan Respýblıkasy Syrtqy ister mınıstriniń orynbasary Ermuhambet Qonyspaev dúnıege keldi.
Ermuhambet Bolatpekuly Qonyspaev Almaty qalasynda týǵan. Ál-Farabı atyndaǵy Qazaq ulttyq ýnıversıtetin «Halyqaralyq qatynastar» mamandyǵy boıynsha, Germanııadaǵy Ahen Reın-Vestfalııa tehnıkalyq ýnıversıtetin «Eýropalyq zertteýler» mamandyǵy boıynsha bitirgen.
2001–2002 jyldary Syrtqy ister mınıstrliginiń Ekijaqty yntymaqtastyq departamentinde attashe, 2002–2003 jyldary Qazaqstannyń Germanııadaǵy elshiliginde attashe boldy.
2003–2007 jyldary Qazaqstannyń Avstrııadaǵy elshiliginde attashe, úshinshi jáne ekinshi hatshy qyzmetterin atqardy.
2008 jyly Parlament Májilisiniń Halyqaralyq ister, qorǵanys jáne qaýipsizdik komıtetinde aǵa konsýltant bolyp jumys istedi.
2008–2014 jyldary Qazaqstannyń Germanııadaǵy elshiliginde birinshi hatshy jáne keńesshi, 2014–2017 jyldary SІM Syrtqy ekonomıkalyq saıasat departamenti dırektorynyń orynbasary boldy.
2017 jyly SІM Eýrazııalyq ıntegratsııa departamenti dırektorynyń mindetin atqaryp, 2017–2019 jyldary atalǵan departamentti basqardy.
2019–2022 jyldary Qazaqstannyń Germanııadaǵy Frankfýrt-na-Maıne qalasyndaǵy bas konsýly qyzmetin atqardy.
2022 jyldyń sáýirinen bastap Syrtqy ister mınıstriniń orynbasary.
1978 jyly qazaqstandyq dıplomat Erjan Qystafın dúnıege keldi.
Erjan Sansyzbaıuly Qystafın Qaraǵandy qalasynda týǵan. 1999 jyly E. Bóketov atyndaǵy Qaraǵandy memlekettik ýnıversıtetin «Halyqaralyq quqyq» mamandyǵy boıynsha támamdaǵan. 2014 jyly Brıýsseldegi Eýropalyq halyqaralyq strategııalyq zertteýler ınstıtýtynda halyqaralyq qatynastar magıstri dárejesin alǵan.
Eńbek jolyn 1999 jyly Astana qalalyq ádilet basqarmasynda sot prıstavy bolyp bastaǵan.
2000–2001 jyldary Qarjy mınıstrliginiń Zań qyzmeti departamentinde jetekshi jáne bas maman, 2001–2002 jyldary Syrtqy ister mınıstrliginiń Halyqaralyq-quqyqtyq departamentinde attashe boldy.
2002–2005 jyldary SІM apparatynda úshinshi hatshy jáne zań bóliminiń bastyǵy, 2005–2007 jyldary memlekettik til jáne quqyqtyq saraptama basqarmasynyń bastyǵy qyzmetterin atqardy.
2007–2009 jyldary SІM Ákimshilik departamenti dırektorynyń orynbasary, 2009–2010 jyldary osy departamenttiń dırektory boldy.
2010–2015 jyldary Qazaqstannyń Belgııadaǵy elshiliginde keńesshi-ýákil qyzmetin atqardy.
2016–2019 jyldary SІM Ákimshilik jáne baqylaý departamentin basqardy. 2019–2021 jyldary Qazaqstannyń AQSh-taǵy elshiliginde keńesshi-ýákil boldy.
2021–2026 jyldary Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti Elshisi qyzmetin atqardy.
