8 qazan. QazAqparat kúntizbesi
ASTANA. QazAqparat - QazAqparat oqyrmandaryna 2018 jylǵy 8 qazanǵa arnalǵan kúntizbesin usynady.
8 qazan. DÚISENBІ
Makedonııa Respýblıkasynyń Ulttyq meıramy - Táýelsizdik kúni (1991)
Makedonııa - Balqan túbeginde ornalasqan memleket. Soltústiginde Serbııamen, shyǵysynda Bolgarııamen, ońtústiginde Grekııamen, batysynda Albanııamen shektesedi. Astanasy - Skope qalasy. Memlekettik tili - makedon tili. Aqsha birligi - makedon dınary.
Horvatııa táýelsizdigi kúni
1991 jyly Horvatııanyń ıÝgoslavııadan táýelsizdigi jarııalanýynyń qurmetine bekitildi. 2002 jyldan beri jyl saıyn merekelenip otyr.
Germanııada ájeler kúni
Germanııada 2010 jyly bekitilgen. Bul mereke alǵash ret 2011 jyly atalyp ótildi.
Iranda balalar kúni
Jyl saıyn Iran úkimeti óskeleń urpaqtyń el bolashaǵynyń damýy jolynda mańyzdylyǵyna mán berý maqsatynda balalar merekesin uıymdastyrady.
ESTE QALAR OQIǴALAR
1860 jyly Vernyı qalasynda Kók bazar aýdanyndaǵy tar bólmede ornalasqan alǵashqy poshta bólimshesi ashyldy. Búginde Almaty poshtampy - «Qazposhta» AQ-nyń eń iri jáne aldyńǵy qatarly fılıaldarynyń biri.
1996 jyly «Atyraý halyqaralyq áýejaıy» AQ quryldy.
1998 jyly Qazaqstan Respýblıkasy Parlamenti Májilisiniń «Qazaqstan Respýblıkasy prezıdentiniń saılaýyn taǵaıyndaý týraly» qaýlysy qabyldandy.
1999 jyly Prezıdent Nursultan Nazarbaev AQSh Prezıdentiniń Kaspıı óńirindegi energetıkalyq máseleler boıynsha arnaıy keńesshisi D.Výlfty qabyldady. Kezdesýde taraptar qazaqstandyq munaıdy álemdik naryqqa tasymaldaý máselelerin talqylap, AQSh Prezıdentiniń elshisi tanystyrǵan Baký-Djeıhan qubyry jobasyn qarady.
2007 jyly Semeıdegi Nevzorovtar otbasy atyndaǵy Beıneleý óneri murajaıy jańa jádigermen tolyqty. Abaı aýdanynyń turǵyny Jánibek Moldahan murajaıǵa tastan qashalǵan jaýyngerdiń músinin tartý etti. Tasmúsin tabylǵan jerge attanǵan ólketanýshy-ǵalymdar, bul osydan 1 myń jyldaı buryn qashalǵan túrki jaýyngeriniń beınesi degen paıymǵa kelip otyr. Ólketanýshylardyń aıtýynsha, tas músin kóne túrkilerdiń ádette zırat basyna qoıatyn dástúrli eskertkishi bolǵan jáne onyń kómegimen baıyrǵy kóshpendiler dúnıeniń tórt buryshyn baǵdarlaǵan.
2009 jyly Astanada Elbasynyń qatysýymen Túrkııa Respýblıkasynyń negizin qalaýshy Mustafa Kemal Atatúrikke arnalǵan eskertkishtiń ashylý rásimi ótti. Eskertkish Astana qalasynyń Táshenov kóshesiniń boıyndaǵy saıabaqta ornalasqan. Eskertkish qoladan, al tuǵyry - granıtten jasalǵan. Bıiktigi - 4,4 metr, salmaǵy - 5,5 tonna. Onyń qurylysyna 0,0625 gektar jer telimi berildi.
2009 jyly S.Amanjolov atyndaǵy Shyǵys Qazaqstan memlekettik ýnıversıtetiniń ǵylymı-zertteý ortalyǵy bazasynda «ıAdrolyq tehnologııalar jáne qaıtarymdy energetıka tehnologııasy» ulttyq ǵylymı zerthanasynyń tanystyrylymy ótti.
Ulttyq ǵylymı zerthananyń qurylymyna ıadrolyq-magnıtti rezonansty-spektroskopııa zerthanasy, qoldanbaly jáne radıatsııalyq fızıka zerthanasy, matematıkalyq modeldeý zerthanasy kirdi.
2010 jyly Forbes Style jýrnalynyń (tanymal bıznes jarshysynyń qosymshasy) nusqasy boıynsha elordalyq «Han Shatyr» saýda oıyn-saýyq ortalyǵy álemdegi úzdik ekoǵımarattardyń ondyǵyna kirdi.
2010 jyly Memleket basshysy N.Á.Nazarbaev «Munaı aınalymy jáne munaı ónimderiniń jekelegen túrleri salasynda jaýapkershilikti kúsheıtý máseleleri boıynsha Qazaqstan Respýblıkasynyń birqatar zańnamalyq aktilerine ózgertýler men tolyqtyrýlar engizý týraly» Zańǵa qol qoıdy.
2011 jyly Almatyda Júsipbek Elebekovke (1904-1977) arnalǵan eskertkish ashyldy. Eskertkish onyń esimi berilgen Respýblıkalyq estradalyq-tsırk kolledjine qarama-qarsy jerde ornalasqan.
2014 jyly Brıýsseldegi Koroldik saraıda Qazaqstan Prezıdenti Nursultan Nazarbaev Belgııa koroli Fılıppen kezdesti. Kezdesý barysynda ekijaqty saıası jáne mádenı-gýmanıtarlyq baǵyttardaǵy baılanystar máseleleri talqylandy.
2014 jyly «Mańǵystaýmunaıgaz» AQ Qalamqas ken ornynda gaz týrbınaly elektr stantsııasyn saltanaty túrde iske qosý rásimi ótti.
2015 jyly Memleket basshysy Nursultan Nazarbaev Taraz qalasyna jumys sapary barysynda «Kóne Taraz» mýzeıiniń ekspozıtsııasymen tanysyp, shyǵarmashylyq jáne ǵylymı ıntellıgentsııa ókilderi, Jambyl oblysynyń qonaqtary jáne turǵyndarymen kezdesý ótkizdi.
2015 jyly Taraz qalasynda «Qazaq handyǵynyń 550 jyldyǵy» monýmentiniń ashylý saltanaty ótti. Músindik kompozıtsııaǵa aq mármárdan jasalǵan 27 metrlik stela jáne Kereı men Jánibek handardyń 5 metrlik músinderi kiredi.
1967 jyly Ulybrıtanııada júrgizýshilerdiń aǵzasynda alkogoldi anyqtaý úshin arnaıy tútikter alǵash ret paıdalandy.
