8 qaıyńdy kesip, 1,5 jyl túrmede otyratyn boldy
ASTANA. QazAqparat - Reseıdegi Vladımır oblysy Kırjachskıı aýdandyq soty aǵashtardy zańsyz kesken Podmoskovıa turǵynyna úkim shyǵardy.
Bul týraly búgin, beısenbide interfax.ru oblystyq prokýratýraǵa silteme jasap habarlady.
Balashıha qalasynyń turǵyny 2017 jyly shildede segiz qaıyńdy kesip, Kırjachskıı orman sharýashylyǵyna 96 myń rýbl zııan keltirgendigin anyqtady.
Er adam 2016 jyly da osyndaı qylmys jasaǵany úshin sottalǵan. Ol kezde jazalaý retinde 100 myń rýbl aıyppul salynǵan. Buǵan qosa ol 400 myń rýbl kóleminde keltirgen shyǵynnyń ornyn toltyrýy tıis bolǵan. Biraq er adam aıyppuldy da, keltirgen shyǵynnyń da aqshasyn tólemegen. Endi ol 1,5 jylyn temir tordyń ar jaǵynda ótkizetin boldy.
