8 qarashada Qazaqstannyń basym bóliginde jaýyn-shashyn bolady
ASTANA. QazAqparat - Búgin Qazaqstannyń basym bóliginde atmosferalyq fronttardyń ótýine baılanysty qubylmaly aýa raıy saqtalyp, jańbyr jaýady. Tek elimizdiń batysynda jaýyn-shashyn bolmaıdy. Keı jerlerde ekpindi jel soǵyp, tuman, kóktaıǵaq bolady, soltústik óńirde burqasyn saqtalady.
Bul týraly «Qazgıdromet» RMK baspasóz qyzmeti habarlaıdy.
Aqmola, Qostanaı, Soltústik Qazaqstan, Shyǵys Qazaqstan oblystarynyń keı jerlerinde tuman, kóktaıǵaq kútiledi, jeldiń jyldamdyǵy 15-20 m/s-ǵa deıin kúsheıedi, Aqmola oblysynyń keı jerlerinde burqasyn bolady.
Almaty, Túrkistan oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıip, túnde Almaty oblysynyń keı jerlerinde tuman túsedi.
Qaraǵandy, Pavlodar oblystarynda tuman, kóktaıǵaq kútiledi, kúndiz Qaraǵandy oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Qyzylorda, Jambyl, Mańǵystaý, Batys Qazaqstan oblystarynyń keı jerlerinde tuman kútiledi, kúndiz Jambyl oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
