8 qarashada Astanada eskertý dabyly qaǵylady
ASTANA. QazAqparat - 8 qarashada Astanada radıo arnalarda dabyldar qosylyp qulaqtandyrý júıeleri tekseriledi, dep habarlaıdy QazAqparat qalalyq TJD-ǵa silteme jasap.
«8 qarashada 9 saǵat 55 mınýtta Astana qalasy Tótenshe jaǵdaılar departamenti tele-radıo arnalarda elektrodabyldaryn qosý arqyly Astana qalasynyń qulaqtandyrý júıelerin tekseredi. Atalmysh tekserý josparly túrde ótkizilip otyrady», delingen habarlamada.
Eske sala ketsek, tótenshe jaǵdaı bolǵanda nemese tótenshe jaǵdaıdyń oryn alýy qaýpi tóngen kezde elektrodabyldar nemese basqa da dabyl quraldary qosylady. Dabyldy estigen turǵyndar mindetti túrde qolaıly aqparat qabyldaý quraldaryn (teledıdar, radıo jáne t.b.) is-áreketter týraly nusqaýlar men aqparat alýy úshin qosýy kerek.
TJD qala turǵyndary men qonaqtaryna dabyldy tekserý barysynda sabyrlyq saqtaýǵa, sondaı-aq úreılenbeýge shaqyrady.
