8 qarasha. Týǵan kún ıeleri
ESІMDER
120 jyl buryn (1898-1937) Alash qozǵalysynyń qaıratkeri, ádebıet synshysy, abaıtanýshy Ydyrys MUSTANBAEV dúnıege keldi.
Shyǵys Qazaqstan oblysynyń Jarma aýdanynda týǵan.
Tinibaı medresesin, eki synypty orys-qazaq ýchılışesin bitirip, Semeı gımnazııasynda oqydy. Eńbek jolyn poshta telegrafısi bolyp bastady.
1918 jyly Semeıde Alashtyń atty ásker polkin jasaqtaýǵa qatysty. 1919-1921 jyldary Semeı gýbrevkomy men gýbatkomynyń múshesi bolyp, Semeı, Óskemen, Aıagóz, Zaısan ýnıversıtetinde uıymdastyrýshylyq-basshylyq qyzmetter atqardy.
1920 jyly Qazaq AKSR-niń Quryltaı sezinde OAK-niń músheligine saılandy. 1921-1926 jyldary Oral, Aqmola gýbernııasynyń prokýrory, Syrdarııa gýbatkomynyń tóraǵasy, Qazaq OAK-niń nusqaýshysy qyzmetterin atqardy. 1926 jyly «Syrdarııa isi», «Shaıan isine» qatysty jaýapqa tartyldy. 1926-1927 jyldary - Qazaq AKSR-iniń baılanys halyq komıssary.
1927 jyly Semeıde ótken ataman Annenkovqa qarsy sotta memlekettik aıyptaýshy boldy. Ómiriniń sońǵy jyldarynda Qyzylorda men Almatyda ár túrli keńes, partııalyq, sharýashylyq qyzmetter atqardy. Qazaqstandaǵy jer máselesi, aýyldaǵy tap tartysty, baılardyń múlkin tárkileý, mekemelerdi qazaqylandyrý, t.b. sotsıalıstik qaıta qurýlar men goloşekındik ult saıasatyna qarsy kúreskeni úshin, «sádýaqasovshyldyq», trotskılik oppozıtsııanyń kórnekti ókili retinde qýdalanyp, birneshe ret partııa qatarynan shyǵaryldy.
Ydyrys Mustanbaev ádebı synǵa ózindik úles qosyp, qazaq ádebıetiniń taǵdyryna qatysty talas-tartysqa belsene aralasty. Abaı, A.Baıtursynov, M.Jumabaevtardyń shyǵarmashylyq murasyn taptyq-ıdeologııalyq shabýyldan qorǵady.
Saıası qýǵyn súrginniń qurbany boldy. 1991 jyly 18 aqpanda aqtaldy.
58 jyl buryn (1960) QR Qorǵanys jáne aeroǵarysh ónerkásibi vıtse-mınıstri Amanııaz Qasymuly ERJANOV dúnıege kelgen.
Ol Batys Qazaqstan oblysynda týǵan. Jambyl gıdromelıoratıvti-qurylys ınstıtýtyn (1982); BLKJO OK janyndaǵy joǵary komsomol mektebin (1987); Qazaq memlekettik basqarma akademııasyn (2001) támamdaǵan.
Eńbek joly: 1982 jyly Oral oblysy Taıpaq aýdanynyń Krasnoıarskıı keńsharynyń bas ınjener-gıdrotehnıgi (1981-1984); Taıpaq aýdandyq komıtetiniń birinshi hatshysy, bólim meńgerýshisi, QLKJO Oral oblystyq komıteti ınstrýktory (1984-1986); QLKJO Oral oblystyq komıtetinde kabınet meńgerýshisi, bólim meńgerýshisi (1987-1989); QLKJO OK sektor meńgerýshisi, uıymdastyrý bóliminiń meńgerýshisi (1989-1991); Qazaqstan Respýblıkasy Jastar isteri jónindegi memlekettik komıtetiniń halyqaralyq baılanystar jáne jastar týrızmi basqarmasynyń bastyǵy (1991-1993); «Tengrı» BK menedjeri (1993); Atyraý munaı óńdeý zaýytynyń Almaty qalasyndaǵy ókildiginiń dırektory (1993-1995); Qazaqstan Respýblıkasy Premer-Mınıstri orynbasarynyń kómekshisi (1995-1997); QR Memlekettik keden komıtetiniń departament dırektory (1997-1998);
QR Sybaılas jemqorlyqpen kúres jónindegi memlekettik komıssııasynyń ekonomıka jáne qarjy salasyndaǵy sybaılas jemqorlyqqa taldaý sektorynyń meńgerýshisi (1999); Atyraý oblysy boıynsha keden basqarmasy bastyǵynyń mindetin oryndaýshy, bastyǵy (1999-2001); QR Memlekettik kirister mınıstrliginiń Keden komıteti tóraǵasynyń orynbasary (2001-2002);
QR Kedendik baqylaý agenttigi tóraǵasynyń birinshi orynbasary (2002-2004); QR Qarjy mınıstrliginiń Kedendik baqylaý komıteti tóraǵasynyń birinshi orynbasary (2004-2005);
QR Prezıdenti Ákimshiliginiń memlekettik baqylaý jáne uıymdastyrý jumysy bóliminiń memlekettik ınspektory (2005-2006); Qaraǵandy oblysy ákiminiń orynbasary (2006-2007); QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti tóraǵasynyń orynbasary, QR IJTM Ónerkásip komıtetiniń tóraǵasy (2007-2012); QR Qarjy mınıstrliginiń Kedendik baqylaý komıteti tóraǵasynyń orynbasary (2012-2014);
QR Investıtsııalar jáne damý mınıstrliginiń Indýstrııalyq damý jáne ónerkásiptik qaýipsizdik komıtetiniń tóraǵasy (2014-2017);
QR Premer-Mınıstri Keńsesiniń ındýstrııalyq-ınnovatsııalyq damý bóliminiń meńgerýshisi (2017-2018).
Qazirgi laýazymyn atqarýǵa 2018 jylǵy maýsymda kiristi.
55 jyl buryn (1963) Jambyl oblysy Moıynqum aýdanynyń ákimi Máden Toqtarbaıuly MUSAEV dúnıege keldi.
1989 jyly Almaty zootehnıkalyq Maldárigerlik ınstıtýtyn «mal dárigeri» mamandyǵy, 1998 jyly Qyrǵyz memlekettik ulttyq ýnıversıtetin «Zańger» mamandyǵy boıynsha bitirgen.
Eńbek jolyn 1989 jyly Jańa turmys sovhozynyń mal dárigeri bolyp bastaǵan. 1990-1991 jyldary Pýt Lenına kolhozynyń bas mal dárigeri, 1991 jyly Qordaı aýdandyq mal dárigerlik stansasynyń bas maldárigeri, 1991-1992 jyldary «Aq bulaq» AQ-nyń aǵa maldárigeri, 1992-2003 jyldary «Sarybulaq» sovhozynyń bas zootehnıgi, mal sharýshalyǵy tsehynyń bastyǵy, 2003-2004 jyldary «Birlik ústem» óndiristik kooperatıviniń tóraǵasy, 2004 jyly Qazaqstan Respýblıkasy Aýyl sharýashylyǵy mınıstrliginiń Qordaı aýdandyq aýmaqtyq basqarmasynyń bastyǵy,
2004-2008 jyldary Shý aýdany ákiminiń orynbasary, 2008-2010 jyldary Moıynqum aýdanynyń ákimi, 2010 jyly Jambyl oblysy ákiminiń keńesshisi, 2010-2015 jyldary Almaty oblysy Іle aýdany ákiminiń orynbasary, 2015 jyly Jambyl oblysy Jambyl aýdanynyń ákimi; Jambyl oblysy ákiminiń orynbasary (2017-2018) qyzmetterin atqarǵan.
Qazirgi laýazymyn atqarýǵa 2018 jyldyń qazan aıynda kiristi.
54 jyl buryn (1964) «QazTransGaz Ónimderi» JShS bas dırektorynyń óndiris jónindegi orynbasary Alık Safarbekuly ÁShІROV dúnıege keldi.
Ol Qaraǵandy polıtehnıka ınstıtýtyn, taý-ken ınjener-mehanıgi (1986); M.H. Dýlatı atyndaǵy Taraz memlekettik ýnıversıtetin, quqyqtaný (2001) mamndyqtary boıynsha bitirgen.
Eńbek joly: «Qarametavtomatıka» ǵylymı-óndiristik birlestiginde ınjener, metallýrgııalyq gazdardyń quramyn baqylaý ádisteri men quraldary bóliminiń ınjener-konstrýktory (1986-1990); Almaty oblysy ákiminiń keńesshisi (1997-1998); Almaty oblysy ákimi apparatynyń aýyl sharýashylyǵy jáne ekologııa bóliminiń agroónerkásip kesheni sektorynyń bas mamany (1998-1999); Jambyl oblysy ákimi isterin basqarýshynyń orynbasary (1999);
Jambyl oblysy ákiminiń keńesshisi (1999-2000); Jambyl oblysy ákiminiń kómekshisi (2000-2004); Qazaqstan Respýblıkasy Aýyl sharýashylyǵy mınıstrliginiń sharýashylyq qamtamasyz etý, kadrlarmen jumys jáne býhgalterlik esep basqarmasynyń bastyǵy (2004-2005); Almaty oblysy ákiminiń kómekshisi (2005-2011); Qazaqstan Respýblıkasy Prezıdenti Іs basqarmasy apparatynyń basshysy (2012-2013); «Qazaqstan Respýblıkasy Prezıdenti Іs basqarmasynyń avtosharýashylyǵy» RMK dırektory (2013-2014).
Qazirgi laýazymyn 2014 jyldan beri atqaryp keledi.
44 jyl buryn (1974) Semeı qalasynyń memlekettik medıtsına ýnıversıtetiniń rektory Ersin Tursynhanuly JÚNІSOV dúnıege keldi.
1997 jyly Semeı memlekettik medıtsına akademııasynyń emdeý fakýltetin úzdik dıplommen bitirgen. 2013 jyly Qazaq gýmanıtarlyq zań ınnovatsııalyq ýnıversıtetin ekonomıka mamandyǵy boıynsha bitirgen.
1997-2000 jyldary Semeı memlekettik medıtsına akademııasynyń travmatologııa, ortopedııa jáne ÁDH kafedrasynyń aspıranty, 2000-2001 jyldary QR QK qatarynda qyzmette bolǵan. 2002-2003 jyldary Qazaq memlekettik medıtsına akademııasynyń travmatologııa, ortopedııa jáne ÁDH kafedrasynyń oqý isi meńgerýshisi, 2003-2006 jyldary Qazaq memlekettik medıtsına akademııasynyń emdeý fakýltetiniń dekanynyń orynbasary, 2006 -2009 jyldary Travmatologııa jáne ortopedııa ǵylymı-zertteý ınstıtýtynyń bólim bastyǵy, 2009-2014 jyldary «Respýblıkalyq jedel medıtsınalyq kómek ǵylymı ortalyǵy» AQ-da kóptegen jaraqattar bólimshesiniń meńgerýshisi, hırýrgııa bóliminiń, ortopedııalyq hırýrgııa jáne koagýlopatııa bóliminiń basshysy, ınnovatsııa jáne ǵylym jónindegi dırektory,
2014-2016 jyldyń sáýirine deıin Astana qalasy ákimdigi ShJQ RMK «№1 qalalyq aýrýhana» bas dárigeriniń ınnovatsııalyq qyzmet jónindegi orynbasary, 2016 jyldyń sáýirinen 2016 jyldyń qazanyna deıin ShJQ RMK «Semeı qalasy memlekettik medıtsına ýnıversıteti» strategııalyq áriptestik jáne halyqaralyq yntymaqtastyq jónindegi prorektory,
2016 jyldyń qazanynan 2017 jyldyń mamyr aıyna deıin Astana qalasy ákimdigi ShJQ RMK «№1 qalalyq aýrýhana» kóptegen jaraqattar jáne qalpyna keltirý ortohırýrgııa ortalyǵynyń basshysy, 2017 jyldyń mamyrynan 2017 jyldyń tamyz aıyna deıin Semeı qalasy memlekettik medıtsına ýnıversıtetiniń strategııalyq áriptestik jáne halyqaralyq yntymaqtastyq jónindegi prorektory, rektordyń mindetin atqardy.
Qazirgi qyzmetinde - 2017 jyldyń tamyzynan beri.