8 qarasha kúni qandaı mańyzdy sharalar ótedi

Astanada 8 qarasha kúni saǵat 10.00-de QR Parlamenti Májilisiniń jalpy otyrysy bastalady.

Saǵat 10.00-de «Dáleldi medıtsına boıynsha Qazaqstan ǵylymı-tájirıbelik forýmy» («Kazakhstan Evidence-Based Medicine Executive forum») bolady. Onda qazaqstandyq densaýlyq saqtaý mamandarynyń halyqaralyq derekter bazasyna, dáleldi medıtsınadaǵy qazirgi zamanǵy jasalymdar men jańa aqparattarǵa qoljetimdiliginiń múmkindikteri sóz bolady. Sharany halyqaralyq  Elsevier kompanııasynyń qoldaýymen densaýlyq saqtaýdy damytý respýblıkalyq ortalyǵy uıymdastyryp otyr.

Forýmǵa QR Densaýlyq saqtaý mınıstrligi, densaýlyq saqtaýdy damytý respýblıkalyq ortalyǵy, Elsevier kompanııasy jáne medıtsına jurtshylyǵy ókilderi qatyspaqshy. Shara elektrondy densaýlyq saqtaý respýblıkalyq ortalyǵy bazasynda, Imanov kóshesi, 13-úı, 4-qabatta ótedi.

Saǵat 14.00-de «Park Inn by Radisson Astana» otelinde «Qazaqstandaǵy qylmystyq protsesti jańǵyrtýdyń kókeıkesti máseleleri» atty dóńgelek ústel otyrysy ótedi.

Saǵat 15.00-de Astana qalasy oqýshylar saraıynda reseılik «Rosatom» memkorporatsııasynyń jáne atom qýaty boıynsha aqparattyq ortalyǵynyń qatysýymen Aqtaý qalasynda BN-350 jyldam neıtrondaǵy álemdegi birinshi ónerkásiptik reaktordyń shyǵarylýynyń 45 jyldyǵyna arnalǵan shara ótedi. Bul shara 1972 jyly 29 qarashada Shevchenko (qazir Aqtaý) qalasynda bolǵan. Bul - jyldam neıtrondaǵy birinshi keńestik AES. Shara barysynda «MAEK-Kazatomprom» RÝ BN-350-di paıdalanýdan shyǵarý jónindegi bólim bastyǵy Valerıı Varankın sóz alyp, reaktor qurylysynyń tarıhy, onyń Qazaqstan úshin mańyzy týraly áńgimelep bermek.

Saǵat 15.00-de «Nur Otan» partııasy astanalyq fılıaly ortalyq apparaty ǵımaratynda (D.Qonaev kóshesi, 12/1, 4-qabat) respýblıka ardagerlerin tolǵandyryp otyrǵan máseleler jóninde baspasóz máslıhaty bolmaq. Sonyń ishinde tájik-aýǵan shekarasynda, Taýly Qarabahtaǵy áskerı is-qımyldarǵa qatysqandarǵa, Iraktaǵy Qazbat beıbitshil kúshterine jańa mártebe berý máselesi talqylanbaq.

Almaty qalasynda 8 qarasha kúni saǵat 10.00-de Qazaqstan qor bırjasy ótken aıdaǵy bırja naryǵy jumysy qorytyndylaryna arnalǵan dástúrli aısaıynǵy medıa-brıfıng ótkizedi.

Saǵat 10.00-de QR Bilim jáne ǵylym mınıstrligi Ǵylym komıteti fılosofııa, saıasattaný jáne dintaný ınstıtýty fılosofııa ǵylymdarynyń doktory, professor A.G.Kosıchenkonyń 70 jyldyǵyna arnalǵan «Qazirgi zamanǵy zaıyrly memlekettegi din» atty respýblıkalyq ǵylymı-teorııalyq konferentsııa ótkizedi. Zaıyrly memlekettegi din máselelerin talqylaıtyn jıyndy ınstıtýt dırektory, saıası ǵylymdar doktory, professor A.Bıjanov ashpaq.

Saǵat 10.00-de EF Education First halyqaralyq mektebiniń baspasóz máslıhaty ótpek. Onda túrli elderdegi eresek turǵyndardyń aǵylshyn tilin meńgerý deńgeıin baǵalaıtyn dúnıe júzindegi iri reıtıng -  EF English Proficiency Index (EF EPI) tanystyrylmaq. Mundaı zertteýdi EF Education First jyl saıyn júrgizedi jáne 80 eldiń mıllıonnan astam turǵynyn qamtıdy. Oǵan Qazaqstan da qatysqan. Sharanyń ótetin orny: EF Kazakhstan, Almaty, Naýryzbaı batyr kóshesi, 31, Premıým, 7-qabat.

Saǵat 10.00-de WebofScienceCoreCollection aqparat kóziniń 2014-2016 jyldardaǵy derekteri boıynsha jarııalaný belsendiligindegi joǵary kórsetkishteri úshin táýelsiz «Ǵylym kóshbasshysy» syılyǵyn jylsaıynǵy tapsyrý rásimi ótedi. ClarivateAnalytics kompanııasymen birlesip memlekettik-tehnıkalyq saraptama ulttyq ortalyǵy uıymdastyryp otyrǵan shara Bógenbaı batyr kóshesi, 221, májilis zalynda bolmaq.

Saǵat 16.30-da Birinshi Prezıdent qorynda belgili rejısser Oleg Belıalovtyń «Altyn Emel» derekti fılmi kórsetiledi.

Saǵat 17.00-de «Rýhanı jańǵyrý» baǵdarlamasy aıasynda Almaty mýzeıinde jas sýretshiler ortalyǵy jáne O.Tańsyqbaev atyndaǵy Almaty dekoratıvti-qoldanbaly óner kolledjimen birlesip uıymdastyrylǵan «Týǵan jer murasy» atty qoldanbaly óner kórmesi ashylady. Kórmeden óner týyndylary arqyly Qazaqstannyń myńǵasyrlyq tarıhyn tanyp-bilýge bolady. Sondaı-aq kelýshiler 80 jyldyq tarıhy bar O.Tańsyqbaev atyndaǵy Almaty dekoratıvti-qoldanbaly óner kolledjiniń tanymal túlekteriniń týyndylarymen de tanysa alady.