8 qarasha. Kazinform kúntizbesi. Tulǵalar týǵan kún

Oleg ŞEMELЬ, «PAVLODARENERGO» AQ bas dırektory

1969 jyly Belarýs Respýblıkasynyń Mınsk qalasynda dúnıege kelgen. 1992 jyly Belarýs polıtehnıkalyq ınstıtýtyn elektr stantsııalary mamandyǵy boıynsha, 2006 jyly Belarýs Respýblıkasy Prezıdenti janyndaǵy Basqarý akademııasyn kásiporyndaǵy ekonomıka jáne basqarý mamandyǵy boıynsha bitirgen.

Eńbek joly: 1993 jyldan 1998 jylǵa deıingi aralyqta «Mınskenergo» Mınsk elektr energetıkasy óndiristik birlestiginiń Mınsk 4-JEO-da elektr mashınalaryn jóndeý jónindegi elektr slesari, apparatýrany, relelik qorǵanys jáne avtomatıkany jóndeý jónindegi elektromonter, elektr tsehynyń óndiristik ýchaskesiniń sheberi bolyp jumys istedi. 1998-2000 jyldary «Mınskenergo» elektr energetıkasy respýblıkalyq ýnıtarlyq kásipornynyń «Mınsk 4-JEO» fılıaly elektr tsehynyń bastyǵy, 2000-2007 jyldary stantsııa aýysymynyń bastyǵy, 2007 jyly óndiristik-tehnıkalyq bóliminiń bastyǵy, 2007-2013 jyldary paıdalaný jónindegi bas ınjenerdiń orynbasary, 2013-2019 jyldary fılıaldyń bas ınjeneri qyzmetterin atqardy. 2019 jyly Mınsk qalasyndaǵy «Belenergo» elektr energetıkasy memlekettik óndiristik birlestiginiń bas dırektorynyń orynbasary, sol jyly «Mınskenergo» elektr energetıkasy respýblıkalyq ýnıtarlyq kásipornynyń bas dırektory bolyp taǵaıyndaldy. Bul qyzmetti 2023 jylǵa deıin atqardy.

Qazirgi qyzmetin 2023 jylǵy sáýirden beri atqaryp keledi.

Oraz JOLDASOV, Jambyl oblysy Polıtsııa departamenti bastyǵynyń orynbasary

1970 jyly Aqmola oblysynyń Esil qalasynda dúnıege kelgen. M.H. Dýlatı atyndaǵy Taraz ýnıversıtetin quqyqtaný mamandyǵy boıynsha bitirgen.

Eńbek joly: 2021-2024 jyldary QR Іshki ister mınıstrliginiń Kadr saıasaty departamentin, 2024-2025 jyldary ІІM Basqarý akademııasyn basqardy.

Qazirgi qyzmetin 2025 jylǵy qarashadan beri atqaryp keledi.

Baýyrjan ÁLENOV, Qazaqstan Respýblıkasy Іshki ister mınıstriniń birinshi orynbasary

1976 jyly Kókshetaý oblysynda (qazirgi Aqmola oblysy) dúnıege kelgen. 2004 jyly «Femıda» zań ınstıtýtyn, 2012 jyly Qaraǵandy zań ınstıtýtyn bitirgen.

Eńbek joly: 1997-1999 jyldary Kókshetaý qalalyq ІІB janyndaǵy Kúzet qyzmeti basqarmasynyń polıtsııa batalonynda polıtseı, 1999-2000 jyldary «Arnaıy polıtsııa» respýblıkalyq memlekettik kásipornynyń №7 memlekettik polıtsııa bóliminiń kúzet vzvodynda bólimshe komandıri qyzmetin atqardy. 2000-2001 jyldary Kókshetaý qalalyq ІІB Ákimshilik polıtsııa bóliminiń kavalerııalyq bólimshesinde polıtseı, 2001-2002 jyldary patrýldik polıtsııa batalonynda polıtseı jáne bólimshe komandıri boldy. 2002-2004 jyldary Kókshetaý qalalyq ІІB Krımınaldyq polıtsııa bóliminiń jedel izdestirý bólimshesinde jedel ýákil, aǵa jedel ýákil, 2004-2007 jyldary Aqmola oblysy ІІD Kókshetaý qalalyq ІІB Krımınaldyq polıtsııa bóliminiń múliktik qylmystardy ashý bólimshesiniń bastyǵy qyzmetin atqardy. 2007 jyly Kókshetaý qalalyq ІІB Krımınaldyq polıtsııa bóliminiń bastyǵynyń mindetin ýaqytsha atqardy. 2007-2010 jyldary Aqmola oblysy ІІD Uıymdasqan qylmysqa qarsy kúres basqarmasynyń qylmystyq toptardy áshkereleý jáne olardyń qyzmetin toqtatý bóliminiń bastyǵy boldy. 2010-2011 jyldary Aqmola oblysy ІІD Kókshetaý qalalyq ІІB bastyǵynyń jedel jumys jónindegi orynbasary, 2011-2013 jyldary Aqmola oblysy ІІD Zerendi aýdandyq ishki ister bóliminiń bastyǵy qyzmetin atqardy. 2013 jyly Aqmola oblysy ІІD Kókshetaý qalalyq ІІB bastyǵy, 2014-2015 jyldary Soltústik Qazaqstan oblysy ІІD Qyzyljar aýdandyq ishki ister bóliminiń bastyǵy boldy. 2015-2018 jyldary Aqmola oblysy ІІD bastyǵynyń orynbasary, 2018 jyly birinshi orynbasary qyzmetin atqardy. 2018-2019 jyldary Aqmola oblysy Polıtsııa departamenti bastyǵynyń birinshi orynbasary, 2019-2020 jyldary jedel jumys jónindegi orynbasary boldy. 2020 jyly QR ІІM Jetinshi departamenti bastyǵynyń jedel jumys jónindegi orynbasary, sol jyly departament bastyǵy bolyp taǵaıyndaldy. 2020-2021 jyldary osy qyzmetti atqardy. 2021-2022 jyldary QR ІІM Jedel qyzmet departamentin, 2022-2024 jyldary Almaty oblysy Polıtsııa departamentin basqardy.

Qazirgi qyzmetin 2024 jylǵy qazannan beri atqaryp keledi.

Ydyrys MUSTANBAEV, Alash qozǵalysynyń múshesi, ádebıet synshysy, abaıtanýshy

1898 jyly Semeı qalasynda dúnıege kelgen. Tinibaı medresesin, eki synyptyq orys-qazaq ýchılışesin jáne Semeı gımnazııasyn bitirgen.

Eńbek joly: Eńbek jolyn poshtada telegrafshy bolyp bastaǵan. 1918 jyly Semeıde Alash atty ásker polkin qurýǵa qatysty. 1919-1921 jyldary Semeı gýbernııalyq revolıýtsııalyq komıteti men gýbernııalyq atqarý komıtetiniń múshesi retinde Semeı, Óskemen, Aıagóz jáne Zaısan ýezderinde basshylyq qyzmetter atqardy. 1920 jyly Qazaq AKSR-iniń Quryltaı sezinde Ortalyq atqarý komıtetiniń múshesi bolyp saılandy. 1921-1923 jyldary Oral oblysynda, 1924-1925 jyldary Aqmola gýbernııasynda prokýror qyzmetin atqardy. 1925-1926 jyldary Syrdarııa gýbernııalyq atqarý komıtetiniń tóraǵasy, Qazaq Ortalyq atqarý komıtetiniń nusqaýshysy boldy. 1926 jyly «Syrdarııa isi» jáne «Shaıan isi» boıynsha aıyptaldy. 1926-1927 jyldary Qazaq AKSR-iniń Baılanys halyq komıssary qyzmetin atqardy. 1927 jyly Semeıde ótken ataman Annenkovtyń isi boıynsha sotta memlekettik aıyptaýshy boldy. Ómiriniń sońǵy jyldarynda keńestik, partııalyq jáne sharýashylyq jumystarda qyzmet etti.

Ydyrys Mustanbaev partııa men úkimettiń jer máselesine, aýyldaǵy tap kúresine, baılardy tárkileý naýqanyna qatysty saıasatyna, sondaı-aq Fılıpp Goloşekınniń ulttyq saıasatyna kelispegeni úshin «sádýaqasovshyl» aıybymen partııa qatarynan birneshe ret shyǵaryldy. Qazaqstannyń ádebı ómirine belsene aralasyp, ádebı murany zertteýge úles qosty. Abaıdyń, Ahmet Baıtursynuly men Maǵjan Jumabaevtyń shyǵarmashylyq murasyn keńestik partııalyq jáne ıdeologııalyq organdardyń syn-qyspaǵynan qorǵady.

1933 jylǵy 17 qańtarda tutqyndaldy. 1933 jylǵy 4 shildede OGPÝ alqasynyń qaýlysymen kontrrevolıýtsııalyq áreketi úshin 5 jylǵa eńbekpen túzeý lagerine qamaldy.

1937 jylǵy 16 qarashada Almaty oblysy boıynsha NKVD úshtiginiń qaýlysymen «keńes ókimetine qarsy ultshyl, terrorıstik-búlikshil jáne tyńshylyq-dıversııalyq uıymǵa belsendi qatysqany úshin» atý jazasyna kesildi.

1959 jylǵy 9 mamyrda qylmys quramy bolmaǵandyqtan, Y.Mustanbaevqa qatysty is toqtatyldy. 1991 jylǵy 18 aqpanda aqtaldy.