8 qańtar. Týǵan kún ıeleri
ESІMDER
79 jyl buryn (1940) aýdarmashy, Ońtústik Qazaqstan oblysy Otyrar aýdanynyń qurmetti azamaty Jarylqasyn NUSQABAIULY dúnıege keldi.
Ońtústik Qazaqstan oblysy Otyrar aýdanynda týǵan.
Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.
Eńbek jolyn qazaq teledıdarynda bastap, bas redaktory bolǵan. Qazaq telegraf agenttiginiń (búgingi «QazAqparat» HAA) aýdarmashy-redaktory, «Jalyn» baspasynyń bólim meńgerýshisi, «Mektep» baspasynyń bas redaktory, dırektory qyzmetterin atqarǵan.
Balalarǵa arnalǵan kitapshalardyń, «Qazaq jýrnalıstıkasynyń tarıhy», «Kóne basylymdar, aıaýly esimder», «Alty alashtyń ardaqtylary» atty ǵylymı-pedagogıkalyq eńbekterdiń avtory.
H.Andersenniń «Ertegiler jınaǵyn», «Slovak halyq ertegileri», «Sibir halyqtarynyń ertegilerin», Sh.Álimbaevtyń «Danalyq sýbstantsııasy» romanyn, E.Kobalevtiń «Ho Shı Mın» ǵumyrnamasyn, «Shańqaı túste kóleńkeler qalmaıdy» dep atalatyn 7 serııaly kórkem fılmdi, «Alasurtqan aqsha» kórkem fılmin, túrikmen jazýshylary H.Hallyevtiń «Jol», Sh.Charyevtyń «Saz syrnaıshy», belarýs, qyrǵyz, tájik, orys, armıan
63 jyl buryn (1956) «Atyraý munaı óńdeý zaýyty» JShS bas dırektory, basqarma tóraǵasy Ǵalymjan Jyrshybekuly AMANTURLIN dúnıege keldi.
Gýrev qalasynda týǵan. Búkilodaqtyq «Eńbek Qyzyl Tý» ordendi polıtehnıkalyq ınstıtýtty syrttaı (1982) ınjener-tehnolog mamandyǵy boıynsha; Búkilodaqtyq «Qurmet belgisi» ordendi qarjy-ekonomıkalyq ınstıtýtyn (1992) ekonomıst mamandyǵy boıynsha bitirgen. Tehnıka ǵylymdarynyń kandıdaty.
1991 jyldan - zaýyt basqarmasynyń óndiristik-tehnıkalyq bólimi bastyǵynyń orynbasary, 1992 jyldan - №1 tseh bastyǵy, Gýrev munaı óńdeý zaýytynyń bas tehnology - tehnıkalyq bóliminiń bastyǵy. 1994 jyldan - bas dırektordyń birinshi orynbasary - bas ınjener; 1998 jyldyń aqpanynan - munaı óńdeý departamentiniń dırektory - bas ınjeneri; 1998 jyldyń qyrkúıeginen - munaı óńdeý departamentiniń vıtse-prezıdenti - dırektory - bas ınjeneri; 1999 jyldan - «Atyraý MÓZ» AQ prezıdenti. 2003 jyldyń mamyrynan - munaı óńdeý departamentiniń dırektory, 2003 jyldyń tamyzynan - munaı, gaz jáne munaı hımııasy departamentiniń dırektory; 2006 jyldan - munaı óńdeý departamentiniń dırektory; 2008 jyldan - «QazMunaıGaz» UK» AQ basqarýshy dırektory. 2009 jyldyń maýsymynan beri - «QazMunaıGaz» UK» AQ múnaı óńdeý jáne munaı hımııasy jobalary jónindegi bas menedjeri. «Emerson Process Management» (2004), «Bureau Veritas» (2005) keńesteriniń uıymdastyrýshysy.
Qazirgi qyzmetinde 2016 jyldyń qazan aıynan bastap.
«Eren eńbegi úshin», «Qazaqstan Respýblıkasynyńtáýelsizdigine 10 jyl», «Astananyń 10 jyldyǵy» medaldarymen; «Maqat ken ornyna 90 jyl» belgisimen marapattalǵan.
62 jyl buryn (1957) Qazaqstan Respýblıkasy Joǵarǵy sotynyń sýdıasy Aqyltaı Ahmetjanuly QASYMOV dúnıege kelgen.
Ol Túmen oblysynda (RSFSR) týǵan. S.M. Kırov atyndaǵy Qazaq memlekettik ýnıversıtetin quqyqtaný mamandyǵymen bitirgen (1980).
Eńbek joly: «Alma-Ataotdelstroı» tresiniń sylaqshysy (1974-1975); Soltústik Qazaqstan oblysy Sokolov aýdandyq prokýratýrasynyń taǵylymger tergeýshisi (10.1980-11.1980); Soltústik Qazaqstan oblysy Mámlút aýdandyq prokýratýrasynda taǵylymger (1980-1981); Petropavl qalasy Kýıbyshev aýdandyq prokýratýrasynda taǵylymger, tergeýshi, aǵa tergeýshi (1981-1983); Soltústik Qazaqstan oblystyq sotynyń sýdıasy (1983-1987); Petropavl oblystyq sotynyń azamattyq ister jónindegi sot alqasy tóraǵasynyń orynbasary (1987-1990); Jezqazǵan oblystyq sotynyń tóraǵasy (1990-1993); Aqmola oblystyq sotynyń tóraǵasy (1993-1999); Qaraǵandy oblystyq sotynyń tóraǵasy (1999-2004); Qazaqstan Respýblıkasy Joǵarǵy sotynyń sýdıasy (2004-2010); Qazaqstan Respýblıkasy Joǵarǵy sotynyń qylmystyq ister jónindegi qadaǵalaýshy sot alqasynyń tóraǵasy (2010-2015).
Qazirgi laýazymyn 2015 jyldyń naýryzynan beri atqaryp keledi.
«Qurmet» ordenimen (2002); «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.
53 jyl buryn (1966) QR Qarýly Kúshteri Áskerı-Teńiz kúshteriniń bas qolbasshysy, vıtse-admıral Jandarbek Sádýuly JANZAQOV dúnıege keldi.
Qostanaı oblysy Demıanov aýdany Rechnoe aýylynda týǵan. Orta mektepti bitirgennen keıin 1983 jyldan 1988 jylǵa deıin Vladıvostok qalasy S.O. Makarov atyndaǵy Tynyq muhıt Joǵary Áskerı-teńiz ýchılıshesiniń kýrsanty, mamandyǵy - «Keme qarý-jaraǵy». 2001 jyldan 2004 jylǵa deıin Shýche qalasyndaǵy Qazaqstan Respýblıkasynyń Ulttyq qorǵanys ýnıversıtetinde oqydy. 2008 jyldan bastap Máskeý qalasy Reseı Federatsııasy Qorǵanys mınıstrligi Bas shtabynyń Áskerı akademııasynda oqydy.
1988 jyldan 1995 jylǵa deıin Sýasty kemesi flotılııalarynyń laýazymdarynda qyzmet ótkerdi. 1995 jyldan 2000 jylǵa deıin Qazaqstan Respýblıkasy Qarýly Kúshteri Áskerı-teńiz kúshteriniń laýazymdarynda qyzmet etti. 2000 jyldan 2003 jylǵa deıin Qazaqstan Respýblıkasynyń Qorǵanys mınıstrliginde laýazymdy qyzmetterdi atqardy. 2003 jyldan 2008 jylǵa deıin «Batys» óńirlik qolbasshylyǵynda ár túrli basshylyq laýazymdarda qyzmette boldy. Qazaqstan Respýblıkasy Prezıdentiniń 2009 jylǵy 30 qyrkúıektegi № 368 ókimimen Qazaqstan Respýblıkasy Qarýly Kúshteri Áskerı-teńiz kúshteriniń bas qolbasshysy bolyp taǵaıyndaldy.
52 jyl buryn (1967) Qazaqstan Respýblıkasy Prezıdentiniń Ákimshiligindegi memlekettik baqylaý jáne aýmaqtyq-uıymdastyrý jumysy bóliminiń meńgerýshisi Maqsat Nurdáýletuly MUQANOV dúnıege keldi.
Almaty qalasynda týǵan. Abaı atyndaǵy Qazaq ulttyq pedagogıkalyq ýnıversıtetin (1991), tarıh oqytýshysy, qoǵamtanýshy; QR Prezıdenti janyndaǵy Ulttyq memlekettik basqarý joǵary mektebin (1997) «Memlekettik basqarý» mamandyqtary boıynsha bitirgen.
1991 jyldan - Almaty oblysy Qaskeleń aýdany Raıymbek aýyly OM muǵalimi. 1993 jyldan - QR syrtqy ekonomıkalyq baılanystar mınıstri jáne QR ónerkásip jáne saýda mınıstriniń sarapshysy, bas mamany, mınıstrdiń kómekshisi. 1997 jyldan - QR Strategııalyq josparlaý jáne reformalar agenttiginiń bas mamany, bólim bastyǵy, basqarma bastyǵynyń orynbasary. 1999 jyldan - QR Qaýipsizdik keńesi Taldaý ortalyǵynyń sektor meńgerýshisi, ortalyq meńgerýshisiniń orynbasary. 2002 jyldan - QR Ekonomıka jáne bıýdjettik josparlaý mınıstrligi «Ekonomıkalyq zertteýler ınstıtýty» RMK bas dırektorynyń orynbasary, birinshi orynbasary. 2003 jyldan - QR Prezıdenti Ákimshiligi áleýmettik-ekonomıkalyq taldaý bólimi meńgerýshisiniń orynbasary, meńgerýshisi. 2006 jyldan - «Qazyna» turaqty damý qory» AQ basqarmasy tóraǵasynyń orynbasary, basqarýshy dırektory - korporatıvtik hatshysy. 2008 jyldyń aqpan aıynan beri - Qazaqstan Respýblıkasy Prezıdentiniń Ákimshiligi Strategııalyq zerttemeler jáne taldaýlar ortalyǵynyń meńgerýshisi. Qazirgi qyzmetinde 2017 jyldyń sáýir aıynan bastap.
«Qurmet» ordenimen (2010), «Astananyń 10 jyldyǵy» medalimen (2008) marapattalǵan.
50 jyl buryn (1969) QR Energetıka mınıstri Qanat Aldabergenuly BOZYMBAEV dúnıege keldi.
Almaty qalasynda týǵan. Qazaq memlekettik basqarý akademııasyn bitirgen. 1994-1997 jyldary - Almaty qalasy ákiminiń kómekshisi. 1997-1998 jyldary - jekemenshik kompanııanyń ekonomıka máseleleri jónindegi dırektory, Qazaqstan Respýblıkasy Ekonomıka jáne saýda mınıstrligi aýmaqtyq saıasat bóliminiń bastyǵy, Qarjy departamentiniń bastyǵy, «QazTransOıl» JAQ ekonomıka jónindegi vıtse-prezıdenti. 1998-1999 jyldary - Qazaqstan Respýblıkasy Energetıka, ındýstrııa jáne saýda mınıstrligi Munaı jáne gaz departamentiniń dırektory. 1999-2000 jyldary - «QazTransOıl» JAQ, «Azyq-túlik kelisim-shart korporatsııasy» JAQ Dırektorlar keńesiniń múshesi. 2000-2001 jyldary - QR Energetıka, ındýstrııa jáne saýda vıtse-mınıstri. 2001-2008 jyldary «KEGOK» AAQ birinshi vıtse-prezıdenti, prezıdenti, «Samuryq» memlekettik aktıvterdi basqarýdyń qazaqstandyq holdıngi» aktsıonerlik qoǵamynyń tóraǵasy qyzmetterin atqarǵan. 2008 jyldan - «KEGOC» aktsıonerlik qoǵamynyń prezıdenti. 2009-2013 jyldary Jambyl oblysynyń ákimi. 2013-2016 jyldary Pavlodar oblysynyń ákimi . Qazirgi qyzmetinde 2016 jylǵy naýryzdan beri.