8 qańtar kúni aýa raıy qandaı bolady
NUR-SULTAN. QazAqparat - Sınoptıkter 8 qańtarǵa arnalǵan aýa raıy boljamyn usynady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Atmosferalyq fronttardyń ótýine baılanysty Qazaqstan terrıtorııasynda turaqsyz aýa raıy saqtalady.
Elimizdiń ońtústiginde jáne batysynda keı jerlerde jaýyn-shashyn jaýady, al qalǵan aımaqtarda qar jaýady. Keı jerlerde tuman túsip, kóktaıǵaq bolady, tek ońtústik-batysta jel kúsheıedi.
Soltústik Qazaqstan oblysynyń basym bóliginde tuman túsedi, al respýblıkanyń qalǵan aımaqtarynda keı jerlerde tuman kútiledi.
Almaty, Jambyl, Túrkistan, Qyzylorda, Manǵystaý, Atyraý oblystarynyń keı jerlerinde kóktaıǵaq bolady. Manǵystaý oblysynyń keı aımaqtarynda jel 15-20 m/s deıin kúsheıedi.
