8 qalada aýa sapasy nasharlaıdy

ASTANA. KAZINFORM – «Qazgıdromet» RMK boljamyna sáıkes, 21 qańtar kúni aýa lastanýynyń qolaısyz meteorologııalyq jaǵdaılary Astana, Pavlodar, Óskemen, Semeı, Rıdder, Shymkent, Qaraǵandy, Temirtaý qalalarynda kútiledi.

Elimizdiń ózge shaharlarynda aýa sapasy norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.