8 qabattan qulaǵan mysyǵy avtomobıl terezesin syndyrǵany úshin qomaqty aıyppul tóleıtin boldy
ASTANA. QazAqparat - Tomsk turǵyny sottyń sheshimimen balkonnan qulaǵan qara mysyǵy úı mańynda qoıylǵan avtomobıldiń tóbesin maıystyryp jáne terezesin syndyrǵany úshin 41,5 myń rýbl tóleıtin boldy.
Bul týraly oblystyq sottyń baspasóz qyzmeti habarlady.
«Sol úıde turatyn kórshisi aryzdanǵan. Onyń úı mańynda qoıylǵan mashınasynyń dabyl qaqqyshy kentten shýyldap qoıa bergen. Syrtqa shyqqan áıel kóliginiń tóbesi maıysqanyn, sondaı-aq artqy terezesiniń qıraǵanyn kórgen. Baıqap qarasa, synǵan shynyǵa júnder jabysyp qalǵan, al dońǵalaq astynda osynyń bárine kináli qara mysyq otyrǵan», dep málim etti baspasóz qyzmetindegiler.
Bul oqıǵany kórgen mysyq ıesi onyń segizinshi qabattan qulap ketkendigin jetkizgen. Al avtomobıldi jóndeý máselesine kelgende bas tartqan.
