8 dúrkin álem chempıony Ásel Dálıevanyń toǵyzqumalaq týraly jańa kitaby jaryq kórdi
NUR-SULTAN. QazAqparat - Toǵyzqumalaqtan Qazaqstan Respýblıkasyna eńbek sińirgen sport sheberi, 8 dúrkin Álem chempıony, elimizdegi 100 jańa esim jobasynyń ıegeri, Túrkistan oblysynyń sportshysy ári bapkeri Ásel Dalıevanyń ulttyq oıynymyz toǵyzqumalaq týraly jazǵan kitaptary jaryq kórdi, dep habarlaıdy QazAqparat tilshisi.
Kitaptarynyń ishindegi «Sheberler taldaýlary» atty eńbegi qazaq, orys, aǵylshyn jáne túrik tilderinde jazylǵan.
Avtordyń óziniń aıtýynsha kitap jalpy oqyrmandarǵa arnalǵan. Sondaı-aq, toǵyzqumalaq oıynyn úırenem degen barlyq talapkerlerge tabylmas oqý quraly.
«Bul kitapty jazýdaǵy basty maqsatym - tól oıynymyz toǵyzqumalaqtyń damýyna, órkendeýine azda bolsa óz úlesimdi qosý. Ulttyq oıynymyzdy ulaǵattaý. Osy kitap arqyly myńdaǵan jas urpaqqa oıyn erejelerin úıretý. Toǵyzqumalaq oıynyna baýlý. Bul kitap toǵyzqumalaq úırenem deýshilerge taptyrmas qural», - dep atap ótti Ásel Dálıeva.
Esterińizge sala keteıik, osyǵan deıin Ásel Dálıevanyń Antalııa qalasynda ótetin toǵyzqumalaqtan V álem chempıonatynda el namysyn qorǵaıtyny týraly jazǵan bolatynbyz.
Kezekti álemdik doda 25 sáýir men 4 mamyr aralyǵynda ótedi.
