8 aıdaǵy Qazaqstannyń JІÓ ósimi 6,5%-dy qurady
ASTANA. KAZINFORM — Ulttyq statıstıka bıýrosynyń jedel derekteri boıynsha, 2025 jyldyń segiz aıynda Qazaqstannyń JІÓ ósimi 6,5%-ǵa jetken. Bul týraly Ulttyq ekonomıka mınıstrligi málim etti.
Ósýdiń negizgi faktorlary saýda, ónerkásip jáne baılanys salalaryndaǵy oń dınamıka boldy.
Ónerkásip 7,6%-ǵa ósti. 2024 jyldyń sáıkes kezeńimen salystyrǵanda ósim 6,5%-dy quraǵan óńdeý sektoryndaǵy ósim qarqynynyń jedeldeýi baıqaldy. Óńdeý ónerkásibiniń negizgi draıverleri: mashına jasaý (+15,1%), tamaq óndirisi (+10,1%), munaı óńdeý (+7,6%), hımııa ónerkásibi (+7,5%) jáne metallýrgııa (+1,1%) salalary.
Saýda negizinen kóterme saýda esebinen 8,9%-ǵa ósti, onyń saladaǵy úlesi 66,6%-dy quraıdy. Eń joǵary ósý qarqyny Shymkent (+21,3%), Shyǵys Qazaqstan (+5,7%) jáne Jetisý (+0,6%) oblystarynda tirkeldi.
Aıta keteıik, Serik Jumanǵarın «jalpy ishki ónimdi 2029 jylǵa qaraı eki ese arttyrý mindeti tur» degen edi.