8 aıda MÁMS júıesinde medıtsınalyq qyzmet alǵandar týraly 28 myń jalǵan aqparat tirkelgen
«Memleket-jeke menshik árpitestigi aıasynda jumys isteıtin ke ı bir medıtsınalyq mekemeler jumysta sap-saý otyrǵan, saqtandyrý júıesine kirgen adamdardy syrtynan «emdep» jatady. Solardyń jolyn kesý úshin ne istep jatyrsyzdar?» - dep surady BAQ ókili ortalyq kommýnıkatsııalar qyzmetinde ótken brıfıngide.
Áleýmettik medıtsınalyq saqtandyrý qorynyń basqarma tóraǵasynyń orynbasary Іlııas Muhamedjannyń aıtýynsha, mundaı jaıttar azaımaı tur.
«Azamattarǵa aqparat retinde osyndaı jalǵan eskertýler túsip jatyr. Bizdiń qordyń sarapshylary 8 aıdyń ishinde 28 myńnan astam osyndaı faktini tirkegen. Ol faktiler boıynsha kórsetilmegen qyzmetti «kórsettik» dep málimdep, aqshasyn tóleýge ótinish beredi. Biz ony, árıne, árqashan tekseremiz», - degen Іlııas Muhamedjan ondaı jaıtqa tap bolǵan adamdardy únsiz qalmaýǵa shaqyrdy.
«Biraq sizderge de úlken ótinishimiz bar. Bul aqparat sizderdiń jeke medıtsınalyq qosymshalaryńyzǵa keletin bolǵandyqtan, jalǵan málimetke tap kelseńizder, qorǵa habar berińizder. Biz naqty jaǵdaıdy teksertip, sizdiń emdelgenińiz týraly jalǵan aqparat bergen mekemege kórsetilmegen qyzmet úshin alǵan qarajattyń 300 paıyzy kóleminde aıyppul salamyz», - dedi qordyń ókili.
