8 aıda 88 myńnan astam qylmystyq quqyq buzýshylyq jasaldy

ASTANA. KAZINFORM — Bıyl 8 aıda 88 433 qylmystyq quqyq buzýshylyq jasalǵan.  Bul týraly Іshki ister mınıstrliginde ótip jatqan Úkimet saǵatynda Májilis tóraǵasynyń orynbasary Danııa Espaeva aıtty.

- Búgingi Úkimet saǵatynyń taqyryby óte mańyzdy. Ol «qoǵamdyq qaýipsizdikti qamtamasyz etýdiń ózekti máselelerine» arnalady. Azamattardyń qaýipsizdigin qamtamasyz etý jáne qoǵamdyq tártipti saqtaý olarǵa tıisti jaǵdaı jasaý, ınfraqurylym máselesi jáne barlyq memlekettik organnyń atsalysýy sııaqty kóptegen máseleni qamtıdy. Alaıda bul saladaǵy jetekshi ról quqyq qorǵaý organdaryna, atap aıtqanda, quqyqtyq tártip organdary – Іshki ister mınıstrligi men oblystardaǵy polıtsııa departamentterine júktelgen, - dedi ol.

Osy oraıda Danııa Espaeva qazirgi ýaqytta elimizde qoǵamdyq qaýipsizdikti qamtamasyz etý maqsatynda strategııalyq baǵdarlamalyq qujattar qabyldanyp, iske asyrylyp jatqanyn aıtty.

- Parlament zań shyǵarýshy organ retinde zańdylyq pen tártipti nyǵaıtýǵa óz úlesin qosyp keledi. Sońǵy jyldary depýtattar ýákiletti organdarmen birlesip, qylmystyq zańnamany kúsheıtý boıynsha aıtarlyqtaı jumystar atqardy. Turmystyq zorlyq-zombylyq, balalarǵa qatysty zorlyq-zombylyq, esirtki qylmysy, buzaqylyq, vandalızm úshin jaza aıtarlyqtaı kúsheıtildi. Qylmystyq zańnama qylmystyń jańa túrlerimen tolyqtyryldy. Olar – dropperlik, nekege májbúrleý, stalkıng jáne basqalary, - dedi Májilis vıtse-spıkeri.

Degenmen onyń aıtýynsha, buqaralyq aqparat quraldarynda, sol sııaqty áleýmettik jelilerde de kisi óltirý, balalarǵa qatysty zorlyq-zombylyq, turmystyq zorlyq-zombylyq, esirtki qylmysy, urlyq, alaıaqtyq týraly qylmystyq málimetterdi kún saıyn kórýge bolady. Bul azamattarymyzda elde qylmys órship, jalpy qylmystyq jaǵdaı nasharlap ketkendeı sezim týdyrýy múmkin.

- Eger statıstıkaǵa mán beretin bolsaq, ótken jyly 132 778 qylmystyq quqyq buzýshylyq jasalsa, osy jyldyń 8 aıynda 88 433 qylmystyq quqyq buzýshylyq jasalǵan. Onyń 80 paıyzy - qylmys, al 20 paıyzy - qylmystyq teris qylyq. Sonymen qatar qoǵamdyq qaýipsizdik salasyndaǵy ulttyq jáne halyqaralyq ındıkatorlar da sońǵy 5 jylda aıtarlyqtaı ózgergen joq. Esirtki qylmystary, buzaqylyq, qaraqshylyq ósip otyr. Qylmystyq teris qylyqtar kóbirek tirkelip jatyr. Eger qoǵamdaǵy «kóńil kúıge» qarasaq, ondaǵy jaǵdaı da alańdatady. Biz qaýipsizdikti qamtamasyz etýdegi naqty ahýaldyń qandaı ekenin anyqtap alýymyz kerek. Sondyqtan búgingi «Úkimet saǵatynyń» negizgi mindeti – quqyqtyq tártip pen qoǵamdyq qaýipsizdiktiń aǵymdaǵy jaı-kúıine taldaý jasaý. ıAǵnı qoǵamdy ne alańdatyp otyrǵanyn anyqtaý jáne polıtsııanyń osy baǵyttaǵy jumysyna baǵa berý, - dedi Danııa Espaeva.

Aıta keteıik, SQO-da jasandy ıntellektiniń kómegimen mektepterde quqyq buzýshylyqtarǵa jol berilmedi.