8 aıda 18,1 mlrd dollardyń óńdelgen taýary eksportqa shyǵaryldy - UEM

ASTANA. KAZINFORM — Qańtar-tamyzynda syrtqy saýda aınalymy 90,1 mlrd dollardy qurady. Bul týraly Úkimet otyrysynda Ulttyq ekonomıka birinshi vıtse-mınıstri Azamat Ámrın aıtty.

- Osy jyldyń qańtar-tamyzynda syrtqy saýda aınalymy 90,1 mlrd dollardy qurady. Taýarlar eksporty 50,2 mlrd dollar, onyń ishinde óńdelgen taýarlardyń eksporty 18,1 mlrd dollar boldy. Taýarlar ımporty - 40,1 mlrd dollar. Álemdik taýar naryqtaryndaǵy tómen baǵalarǵa qaramastan 10 mlrd dollardan asa oń saýda balansy saqtalady, - dedi vıtse-mınıstr.

Onyń dereginshe, óńdeý ónerkásibindegi óndiris 6,2 paıyzǵa ósti. Bul rette qańtar-tamyzben salystyrǵanda 0,3 paıyzdyq tarmaqqa ósimniń baıaýlaýy baıqalady.

- Ósim 17 óńirde tirkeldi. Eń joǵary ósim Batys Qazaqstan, Soltústik Qazaqstan, Jambyl oblystarynda, sondaı-aq Shymkent jáne Almaty qalalarynda baıqaldy. Óndiristiń tómendeýi Shyǵys Qazaqstan, Ulytaý jáne Aqmola oblystarynda tirkeldi, - dedi Azamat Ámrın. 

Aıta keteıik, Úkimet otyrysynda 2025 jylǵy qańtar-qyrkúıek aılaryndaǵy áleýmettik-ekonomıkalyq damý qorytyndylary men respýblıkalyq bıýdjettiń atqarylý barysy talqyǵa salynyp jatyr.