8 aıda 132 para berý faktisi anyqtaldy - Qarjy polıtsııasy
ASTANA. 10 qazan. QazAqparat - Aǵymdaǵy jyldyń 8 aıynda 132 para berý faktisi anyqtaldy.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) resmı ókili Murat Jumanbaı málim etti.
Qarjy polıtsııasy paraqorlyqpen, onyń ishinde para berýmen kúresti kúsheıtkendigin atap ótken ol: «Máselen, eger ótken jyly para berý faktileri boıynsha qarjy polıtsııasy 97 qylmystyq is qozǵasa, aǵymdaǵy jyldyń 8 aıynda osyndaı 132 qylmysty anyqtady», - dedi.
Onyń atap ótýinshe, Astana qalasynda Ońtústik Qazaqstan oblysynyń Bilim berý salasyn baqylaý departamentiniń dırektory laýazymyna taǵaıyndaýǵa járdemdesýi úshin QR Bilim jáne ǵylym mınıstrligi Bilim berý salasyn baqylaý komıteti tóraǵasynyń orynbasary A.Ahmetovke 50 myń AQSh dollary kóleminde para bergeni úshin Slambekov 10 jylǵa sottaldy.
«Mırzametov 1 jylǵa bas bostandyǵynan shartty túrde aıyrý jazasyna sottaldy. Ol Jambyl oblysynyń Kedendik baqylaý departamenti Kontrabandamen kúres basqarmasynyń mamanyna balasyn qylmystyq jaýapkershilikke tartpaýy úshin 2 myń AQSh dollardy para retinde bergen»,- dedi ol.
