8 aı izdestirilgen pavlodarlyq oqýshy Reseıden tabyldy
PAVLODAR. QazAqparat – Pavlodarlyq polıtseıler 8 aı boıy izdeýde bolǵan kámeletke tolmaǵan qyzdy taýyp, úıine qaıtardy, dep habarlaıdy QazAqparat www.polisia.kz aqparatttyq portalyna silteme jasap.
2019 jylǵy 7 mamyrda Pavlodar polıtsııasyna kámeletke tolmaǵan nemeresi Vıalına Denısova (2003 jyly týǵan) 5 mamyr kúni úıden shyqqan kúıi oralmaǵany týraly ájesi habarlaǵan.
Atalǵan fakti boıynsha qyzmetkerler izdestirý isin qozǵap, 9-synyp oqýshysyn memleketaralyq izdeýge jarııalady. Keıinnen, atalǵan qyz 1984 jylǵy tanysymen zańsyz túrde Reseımen aradaǵy memlekettik shekarany jaıaý kesip ótkendigi belgili boldy. Sonymen qatar, olar Novosibir qalasynyń aýmaǵynda jasyrynǵany anyqtaldy.
2020 jylǵy 1 aqpanda jedel izdestirý sharalary kezinde pavlodardyq tártip saqshylary RF qylmystyq izdestirý qyzmetkerlerimen birlese Novosibirdegi jaldamaly páterden izdeýdegi V.Denısovany tapty.
Qazirgi ýaqytta kámelettik jasqa tolmaǵan oqýshy Qazaqstanǵa qaıtarylyp, ájesiniń qaraýyna tapsyryldy.
