8 aspapta erkin oınaıtyn mańǵystaýlyq aýdandyq mádenıet úıinde qyzmet etedi

ShETPE. QazAqparat - Mańǵystaý aýdanyna qarasty Shetpe aýylynyń turǵyny Aqylbek Qabasov 8 aspapty erkin meńgergen, dep habarlaıdy QazAqparat tilshisi Mańǵystaý aýdany ákimdiginiń baspasóz qyzmetine silteme jasap.

Talanty men talaby ushtasqan Aqylbek prıma, sazsyrnaı, dombyra, sherter, saksafon, shińkildek, baıan sekildi mýzykalyq aspapta erkin oınaıdy.

Onyń aıtýynsha, eki aspapty kásibı túrde, qalǵanyn zamandastarynan úırenipti. Ónerli otbasyda dúnıege kelip, mýzykany jastaıynan tyńdap ósken. Mektepti aıaqtaǵan soń, joǵary oqý ornynda prıma mamandyǵy boıynsha bilimin jetildirgen. Talantty ónerpaz Aqylbek Qabasov búginde aýdandyq mádenıet úıinde qyzmet etedi.

Ol aýdandyq mádenıet úıindegi «Otpan» folklorlyq-halyqtyq ujymy ansambliniń múshesi jáne halyq teatry men ult-aspaptar orkestirindegi hordyń múshesi. Shet elder men elimizdiń ár óńirinde óner kórsetip júr.