8 anyqtama alyp kel de, júlde al!
TANA. 14 qazan. QazAqparat. «Zerde» Ulttyq ınfokommýnıkatsııalyq holdıngi» AQ 2011 jyldyń 14 qazanynan 14 qarashasyna deıin «elektrondyq úkimet» portalynyń paıdalanýshylaryna aktsııa ótkizedi.
Aktsııa sharty qarapaıym: «elektrondyq úkimet» shoý-rýmyna 8 anyqtama nemese www.egov.kz portalynda alǵan túbirtekterdi alyp kelgen árbir adamǵa júlde bar!
* 8 anyqtamany bir adam alýy qajet.
«Elektrondyq úkimet» shoý-rýmdary Qazaqstannyń tórt qalasynda (Almaty, Astana, Shymkent, Aqtóbe qalalary) shilde aıynan bastap MEGA saýda, oıyn-saýyq ortalyqtarynda ashylǵan.
Onda kelýshiler portalda tirkelip, elektrondy-tsıfrlyq qol tańbaǵa ıe bola alady, qajet bolsa kerek anyqtamany da alý múmkindigi bar. Shoý-rým mamandary keńes berip, «elektrondyq úkimet» portalymen tanystyrady.
«Elektrondyq úkimet» portalynda memlekettik organdardyń qyzmetteri qoljetimdi, budan basqa portal arqyly salyq jáne ózge de mindetti tólemder, jol qozǵalysy erejesin buzǵany úshin aıyppuldardy tóleý múmkindigi bar.
«Elektrondyq úkimet» shoý-rýmdary kúndelikti saǵat 10.00 den 22.00 deıin túski asqa úzilissiz jumys isteıdi.
Barlyq suraqtar boıynsha táýlik boıy jumys isteıtin 1414 tegin anyqtamalyq qyzmetine telefon soǵýǵa bolady.
