8 aqpanda joldaǵy ahýal qandaı

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 8 aqpan saǵat 08:00-degi jaǵdaı boıynsha aýa raıynyń qolaısyzdyǵyna baılanysty kelesi joldarda kóliktiń barlyq túri úshin qozǵalysqa shekteldi:

Jambyl oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń «Qordaı asýynyń jańa aınalma joly» ýchaskesi, 159-238ó-shaqyrym (Kenen aýyly – Qaınar aýyly aralyǵy).
Qozǵalys eski Qordaı asýy arqyly júzege asyrylady.

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, sınoptıkter 8 aqpanda Qazaqstannyń barlyq óńirinde daýyldy eskertý jarııalaǵan edi.