8 aqpanda Qazaqstannyń 11 oblysynda daýyldy aýa raıy saqtalady

ASTANA. QazAqparat - 8 aqpanda Qazaqstannyń birqatar aımaqtarynda daýyldy eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.

Aqmola oblysynyń soltústiginde, shyǵysynda jaıaý burqasyn kútiledi. Oblystyń soltústiginde, batysynda, ońtústiginde tuman túsedi.

Aqtóbe oblysynyń soltústiginde tuman túsedi. Soltústik-shyǵystan soǵatyn jel oblys ortalyǵynda ekpini 15-20 m/s-qa deıin barady.

Almaty oblysynyń ońtústiginde jáne taýly aımaqtarynda tuman, 9-10 aqpanda kóktaıǵaq kútiledi. Qonaev qalasynda keı jerlerde tuman túsedi.

Almaty qalasynda ótkinshi tuman kútiledi, 9-10 aqpanda joldarda kóktaıǵaq bolady.

TúndeAtyraý oblysynyń batysynda, ońtústiginde jaıaý burqasyn bolýy múmkin. Soltústikte tuman. Shyǵystan, soltústik-shyǵystan soǵatyn jel ońtústikte, shyǵysta jáne oblys ortalyǵynda ekpini - 15-20 m/s. Atyraý qalasynda túnde jaıaý burqasyn kútiledi. Shyǵystan soǵatyn jeldiń ekpini - 15-20 m/s.

Shyǵys Qazaqstan oblysynyń ońtústiginde tuman túsedi.

Jambyl oblysynda aýa temperatýrasy kúndiz 1-6 gradýs jylydan 0-5 gradýsqa deıin tómendeıdi.

Jetisý oblysynyńońtústiginde, ortalyǵynda jáne taýly aımaqtarynda túnde jáne tańerteń tuman túsedi. Kúndiz Alakól mańynda soltústik-shyǵystan jel soǵady, ekpini - 15-20 m/s. Taldyqorǵan qalasynda túnde jáne tańerteń tuman kútiledi.

Mańǵystaý oblysynyńbasym bóliginde kóktaıǵaq bolady. Oblystyń soltústiginde azdaǵan qarly boran soǵady. Soltústik-shyǵystan soǵatyn jel oblystyń soltústiginde, ońtústik-batysynda 15-20 m/s-qa deıin barady. Aqtaý qalasynda kóktaıǵaq kútiledi.

Túrkistan oblysynyń taýly aımaqtarynda kúndiz keı jerlerde qatty jańbyr jaýyp, kún kúrkireıdi. Soltústikte tuman. Ońtústik-shyǵystan jel soǵady, tańerteń jáne kúndiz ońtústik-batysqa aýysady, soltústikte, batysta, ońtústikte, taýly jáne taý etegindegi aýdandarda - 15-20, taýly asýlarda ekpini - 25 m/s, kúndiz aýa temperatýrasynyń kúrt tómendeýi - 10- 15 gradýs, soltústik aýdandarda 0-5 gradýs jyly, oblystyń soltústiginde 3-8 gradýs salqyn.

Túrkistan qalasynda ońtústik-shyǵystan jel soǵady, tańerteń jáne kúndiz ońtústik-batysqa aýysady, ekpini - 15-20 m/s, aýa temperatýrasynyń 11-13 gradýstan 3-5 aıazǵa deıin kúrt tómendeýi kútiledi.

Shymkent qalasyndaońtústik-shyǵystan jel soǵady, tańerteń jáne kúndiz ońtústik-batysqa aýysady, ekpini - 15-20 m/s, kúndiz aýa temperatýrasynyń kúrt tómendeýi 12-14 gradýstan 3 gradýsqa deıin baıqalady.