8 aqpanda Qazaqstanda ótetin sharalar ańdatpasy

NUR-SULTAN

9.00-de «Han Shatyr» SOSO janyndaǵy alańda «Nur-Otan» partııasynyń elordalyq fılıaly Nur-Sultan qalalyq bastaýysh partııa uıymdary arasynda alǵashqy qysqy Spartakıada oıyndaryn ótkizedi. Partııa músheleri konkımen júgirý, shańǵy jarysy, pıma-hokkeı jáne arqan tartý sııaqty sporttyń 4 túri boıynsha saıysady.

10.00-de Nur-Sultan qalasynyń Tótenshe jaǵdaılar departamentinde Azamattardy qabyldaý kúni ótedi. Qabyldaýdy Nur-Sultan qalasynyń TJD bastyǵy Syzdyqov Baýyrjan Mádiuly júrgizedi.

15.00-de «Han Shatyr» saýda, oıyn-saýyq ortalyǵynda «Saryǵa tasta» ekologııalyq aktsııasy ótedi. Eko-sharaǵa balabaqsha tárbıelenýshilerinen bastap, mektep oqýshylary, kolledj stýdentteri men ata-analar, sondaı-aq Qazaqstannyń ekologııalyq uıymdary, qoǵam belsendileri men ózge de bastamashy toptar qatysady.

17.00-de «Hilton Astana» qonaqúıinde Qazaqstan, Ózbekstan, Qyrǵyzstan, Tájikstan jáne Ázerbaıjan elderiniń MMA aralas jekpe-jekten Ortalyq Azııa konfederatsııasyn qurýǵa arnalǵan baspasóz máslıhaty ótedi.