8 aqpan kúni el óńirlerinde aıaz saqtalady
ASTANA. QazAqparat - 8 aqpan kúni frontaldy bólikterdiń ótýine baılanysty respýblıka boıynsha qubylmaly kún raıy kútiledi. Batysta, soltústik-batysta, kúndiz soltústikte jaýyn-shashyn bolady. Keı óńirlerde tuman, kóktaıǵaq, burqasyn, ekpindi jel boljanady, dep habarlaıdy QazAqparat.
«Qazgıdromettiń» málimetinshe, kúndiz Soltústik Qazaqstan oblysynda jeldiń ekpini 15-20, keı jerlerde 25 m/s deıin kúsheıedi, burqasyn baıqalady.
Atyraý, Batys Qazaqstan oblystarynyń keı jerlerinde tuman, kóktaıǵaq boljanady, túnde jel 15-20 m/s jetedi. Batys Qazaqstan oblysynda jaıaý burqasyn bolady.
Aqtóbe, Qostanaı, kúndiz Aqmola oblysynyń keı jerlerinde jaıaý burqasyn júrip, jeldiń jyldamdyǵy 15-20 m/s artady. Qostanaı oblysynyń jekelegen aýmaqtaryn tuman basady.
Túrkistan, Manǵystaý oblystarynyń keı jerlerinde túnde jáne tańerteń jel 15-20 m/s kúsheıedi. Túrkistan oblysynyń jekelegen aýmaqtarynda tuman bolady.
Almaty, Qyzylorda, Jambyl, Pavlodar oblystarynda, túnde jáne tańerteń Shyǵys Qazaqstan oblysynyń keı jerlerinde tuman baıqalady.
Aqmola, Almaty, Shyǵys Qazaqstan oblystarynda, Qaraǵandy, Soltústik Qazaqstan oblystarynyń keı jerlerinde qatty aıaz saqtalady.
