8 aqpan kúngi aýa raıy boljamy
NUR-SULTAN. QazAqparat – 8 aqpan kúni Qazaqstannyń basym bóliginde jańbyr men qar túrinde jaýyn-shashyn bolady, soltústikte qar jaýady. Tek batysta jaýyn-shashynsyz aýa raıy kútiledi. Respýblıka boıynsha keı jerlerde tuman, kóktaıǵaq, burqasyn, jeldiń kúsheıýi saqtalady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Pavlodar oblysynyń keı jerlerinde burqasyn, tuman, kóktaıǵaq bolady. Jeldiń ekpini 23-28 m/s, 30 m/s artýy yqtımal.
Soltústik Qazaqstan oblysynyń keı jerlerinde burqasyn kútiledi, basym bóliginde 15-20 m/s ekpinde jel turady, ekpini 23-28 m/s artýy yqtımal. Aqmola oblysynyń keı jerlerinde burqasyn, tuman boljanady. Jeldiń kúshi 23-28 m/s artady.
Qaraǵandy oblysynyń keı jerlerinde burqasyn, tuman, kóktaıǵaq kútiledi, jeldiń ekpini 23-28 m/s kúsheıedi.
Shyǵys Qazaqstan oblysynyń keı jerlerinde jaıaý burqasyn, tuman, kóktaıǵaq bolady. Jeldiń jyldamdyǵy 23-28 m/s artady.
Qostanaı oblysynyń keı jerlerinde jaıaý burqasyn bolady. Jel ekpini 23 m/s kúsheıedi.
Jambyl oblysynyń keı jerlerinde tuman, kóktaıǵaq, jaıaý burqasyn bolady. Ekpini 23-28 m/s artady.
Túrkistan, Qyzylorda oblystarynyń keı jerlerinde tuman, kóktaıǵaq kútiledi, kúndiz jeldiń kúshi 23-28 m/s kúsheıedi.
Aqtóbe oblysynyń keı jerlerinde tuman, jaıaý burqasyn bolady. 15-20 m/s ekpinde jel turady.
Almaty, túnde jáne tańerteń Mańǵystaý oblystarynyń keı jerlerinde kóktaıǵaq kútiledi. Almaty oblysynyń keı jerlerinde tuman kútiledi, jel 18-23 m/s kúsheıedi.
