8 adam zardap shekti: Astanada aıaldamaǵa soǵylǵan júrgizýshi qamaýǵa alyndy
Astanada adamdar turǵan aıaldamaǵa soǵylǵan júrgizýshi qamaýǵa alynyp, sotqa deıingi tergeý júrgizilip jatyr, dep habarlaıdy QazAqparat.
«29 qyrkúıekte Astanada bolǵan jol-kólik oqıǵasyna qatysty, «Mazda 6» kóliginiń júrgizýshisi rýlge ıe bola almaı qalyp, A.Baıtursynov kóshesinde adamdar turǵan aıaldamaǵa soǵyldy.
Osy derek boıynsha QR Qylmystyq kodeksiniń 345-baby 2-bóligimen sotqa deıingi tergeý bastaldy. Birqatar saraptama taǵaıyndaldy.
Kúdikti QR Qylmystyq-protsestik kodeksiniń 128-babyna sáıkes ýaqytsha ustaý abaqtysyna qamaldy, anyqtaý jumystary júrgizilip jatyr», - delingen polıtsııa málimetinde.
Eske salaıyq, oqıǵa 29 qyrkúıek kúni saǵat 08.31-de boldy. «Mercedes-Benz» kóligi A.Baıtursynuly kóshesimen T.Júrgenov kóshesine qaraı kele jatyp, jolaq aýystyrar kezde óz betimen ketip bara jatqan «Mazda» kóligine apat jaǵdaıyn týyndatqan. Saldarynan «Mazda» júrgizýshisi tizginge ıe bola almaı qalyp, aıaldamaǵa soǵyldy.
Saldarynan 8 adam aýrýhanaǵa jetkizildi.
Posmotret etý pýblıkatsııý v Instagram
