8 adam Qyrǵyzstan prezıdenti bolýǵa nıetti
ASTANA. QazAqparat - Qyrǵyzstan OSK-yna eldegi prezıdent saılaýyna túsýge nıetti 8 azamattan ótinish tústi, dep habarlaıdy Kabar.
Ortalyq saılaý komıteti baspasóz qyzmetiniń málimetinshe, jeti úmitker óz ózderin usynǵan bolsa, tek bireýin - burynǵy premer-mınıstr Temir Sarıevti partııa usynyp otyr.
OSK-yna ótinish berýshilerdiń qatarynda: Nazakúl Nyshanova - «Qyrǵyzstan patrıottary» partııasynyń basshysy, Ómirbek Tekebaev - «Atameken» partııasynyń basshysy, Arystanbek Abdyldaev - «Aýrdın» JShQ dırektory, Baqyt Degenbaev - «Marko» fırmasynyń Bishkektegi ókildigi qaýymdastyǵynyń tóraǵasy, Rıta Qarasartova - «Qoǵamdyq saraptama ınstıtýty» QB dırektory, Saındın Sýltanıdınov - «Maro» fırmasynyń Bishkektegi latvııalyq ókildiginiń dırektory (Latvııa), Kamıla Sharshekeeva Halyqaralyq Ortalyq Azıa ýnıversıtetiniń prorektory jáne burynǵy premer-mınıstr Temir Sarıev.
