8 adam qaza tapty: Oraldaǵy jol apatyna qatysty jańa málimet anyqtaldy

ORAL. QazAqparat - Oralda 8 adam qaza tapqan jol-kólik oqıǵasyna qatysty jańa derekter anyqtaldy, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, sot-medıtsınalyq saraptamaǵa sáıkes «Nissan Maxima» avtokóliginiń 32 jastaǵy júrgizýshisi mas bolǵan. Ol basyp ozý kezinde qarsy betke shyǵyp ketip, 40 jastaǵy júrgizýshi aıdap kele jatqan «Lada 11183» avtokóligimen soqtyǵysqan.

Saldarynan 8 adam qaza boldy.

Sot-medıtsınalyq saraptama «Lada 11183» avtokóliginiń júrgizýshisi ishimdik ishpegenin kórsetken.

BQO Tótenshe jaǵdaılar departamentiniń málimeti boıynsha «Lada 11183» kóliginiń rýlinde bolǵan Serik Makarov Apattar medıtsınasy ortalyǵy memlekettik mekemesiniń júrgizýshi-sanıtary bolyp jumys jasaǵan. Ol óziniń jeke kóligimen toıdan qaıtyp kele jatqan. S.Makarovpen birge áıeli, eki balasy jáne jaqyn týystary, barlyǵy 8 adam kóz jumdy.

Eske salaıyq, budan buryn Oralda jol apatynan 8 adam qaza tapqanyn, oqıǵaǵa qatysty qylmystyq is qozǵalǵanyn jazǵan bolatynbyz.