-7°S aıaz, qar, shańdy daýyl: sınoptıkter eskertý jasady
ASTANA. KAZINFORM — Qazaqstannyń birqatar óńirinde 18 qazanda aýa raıy kúrt buzylady. Sınoptıkter qar, kóktaıǵaq, tuman men shańdy daýyl bolatynyn eskertip, túnde aýa temperatýrasy -7°S-qa deıin tómendeıtinin habarlady.
Atyraý oblysy
Kúndiz oblystyń batysynda, soltústiginde jáne ońtústiginde shańdy daýyl soǵady dep kútiledi. Ońtústik-shyǵystan soǵatyn jeldiń ekpini 15–20 m/s-qa jetedi. Óńirde órt shyǵý qaýpi joǵary jáne tótenshe deńgeıde saqtalady.
Atyraý qalasynda da kúndiz shańdy daýyl soǵyp, ońtústik-shyǵystan jel soǵady. Jeldiń ekpini 15–18 m/s bolady. Qalada órt shyǵý qaýpi tótenshe deńgeıde saqtalady.
Mańǵystaý oblysy
Oblystyń batysynda, soltústiginde jáne ortalyǵynda shańdy daýyl soǵady. Ońtústik-shyǵystan soǵatyn jeldiń ekpini 15–20 m/s-qa jetedi. Órt shyǵý qaýpi joǵary deńgeıde saqtalady.
Aqtaý qalasynda kúndiz ońtústik-shyǵystan jel soǵyp, onyń ekpini 15–20 m/s bolady.
Aqtóbe oblysy
Oblystyń batysynda, ońtústiginde, shyǵysynda jáne ortalyǵynda órt shyǵý qaýpi joǵary jáne tótenshe deńgeıde saqtalady.
Almaty oblysy
Kúndiz oblystyń shyǵysynda ońtústik-batystan soǵatyn jel soltústik-shyǵys jeline aýysyp, ekpini 15 m/s-qa jetedi. Túnde oblystyń soltústigi men batysynda 1–6 gradýs aıaz bolady dep kútiledi.
Qonaev qalasynda túnde aýa temperatýrasy 1–3 gradýs aıazǵa deıin tómendeıdi.
Abaı oblysy
Kúndiz oblystyń soltústiginde, ońtústiginde jáne ortalyǵynda jaýyn-shashyn (jańbyr, qar) túsip, kóktaıǵaq bolady. Túnde jáne tańerteń soltústiginde, shyǵysynda jáne ortalyǵynda tuman túsedi.
Soltústik-batystan soǵatyn jeldiń ekpini kúndiz oblystyń batysy men shyǵysynda 15–20 m/s-qa jetedi.
Shyǵys Qazaqstan oblysy
Túnde jáne kúndiz oblystyń soltústiginde, shyǵysynda jáne ońtústiginde jaýyn-shashyn (jańbyr, qar) túsip, kóktaıǵaq bolady. Túnde jáne tańerteń soltústigi men shyǵysynda tuman túsedi.
Ońtústik-shyǵystan soǵatyn jel soltústik-batys jeline aýysyp, ekpini 15–20 m/s-qa jetedi.
Ulytaý oblysy
Túnde jáne tańerteń oblystyń soltústigi men shyǵysynda tuman túsedi. Batysy men ortalyǵynda órt shyǵý qaýpi tótenshe deńgeıde saqtalady.
Jezqazǵan qalasynda da órt shyǵý qaýpi tótenshe deńgeıde bolady.
Qaraǵandy oblysy
Túnde oblystyń soltústigi men shyǵysynda jaýyn-shashyn (jańbyr, qar) túsip, kóktaıǵaq bolady. Túnde jáne tańerteń batysynda, soltústiginde jáne shyǵysynda tuman túsedi.
Oblystyń batysynda órt shyǵý qaýpi tótenshe deńgeıde saqtalady. Qaraǵandy qalasynda túnde jáne tańerteń tuman bolady.
Batys Qazaqstan oblysy
Oblystyń batysynda azdaǵan jańbyr jaýyp, kúndiz naızaǵaı oınaıdy. Kúndiz batysy men ońtústiginde shańdy daýyl soǵady.
Ońtústik-shyǵystan soǵatyn jeldiń ekpini 15–20 m/s-qa jetedi. Órt shyǵý qaýpi joǵary deńgeıde saqtalady.
Qyzylorda oblysy
Kúndiz oblystyń shyǵysy men ortalyǵynda shańdy daýyl soǵady. Soltústik-shyǵystan soǵatyn jeldiń ekpini 15–20 m/s bolady.
Túnde oblystyń soltústiginde topyraq betinde 1 gradýs aıaz kútiledi. Órt shyǵý qaýpi joǵary jáne tótenshe deńgeıde saqtalady.
Qyzylorda qalasynda kúndiz shańdy daýyl soǵyp, soltústik-shyǵystan soǵatyn jeldiń ekpini 15–20 m/s-qa jetedi. Qalada órt shyǵý qaýpi tótenshe deńgeıde saqtalady.
Astana qalasy
Túnde jáne tańerteń tuman túsedi.
Pavlodar oblysy
Oblystyń batysynda tuman bolady dep kútiledi.
Jetisý oblysy
Túnde aýa temperatýrasy 2–7 gradýs aıazǵa deıin tómendeıdi.
Taldyqorǵan qalasynda túnde 5–7 gradýs aıaz bolady.
Jambyl oblysy
Túnde jáne tańerteń oblystyń taýly aýdandarynda tuman túsedi. Soltústik-shyǵystan soǵatyn jeldiń ekpini oblystyń ońtústik-batysynda, soltústik-shyǵysynda jáne taýly aýdandarynda 15–20 m/s-qa jetedi.
Túnde oblystyń shyǵysynda 2 gradýs aıaz kútiledi.
Soltústik Qazaqstan oblysy
Oblystyń shyǵysynda jaýyn-shashyn (jańbyr, qar) túsip, kóktaıǵaq bolady. Túnde jáne tańerteń batysynda, soltústiginde jáne ońtústiginde tuman túsedi.
Ońtústik-batystan soǵatyn jeldiń ekpini kúndiz oblystyń ońtústiginde 15–20 m/s-qa jetedi.
Petropavl qalasynda túnde jáne tańerteń tuman bolady.
Qostanaı oblysy
Túnde jáne tańerteń oblystyń soltústiginde, shyǵysynda jáne ońtústiginde tuman túsedi. Ońtústiginde órt shyǵý qaýpi joǵary deńgeıde saqtalady.
Túrkistan oblysy
Oblystyń taýly aýdandarynda tuman bolady. Soltústik-shyǵystan soǵatyn jeldiń ekpini batysy men taýly aýdandarynda 15–20 m/s-qa jetedi.
Túnde oblystyń soltústiginde 1 gradýs aıaz kútiledi.
Túrkistan qalasynda soltústik-shyǵystan soǵatyn jeldiń ekpini 15–20 m/s bolady.
Aqmola oblysy
Túnde jáne tańerteń oblystyń batysynda, soltústiginde jáne shyǵysynda tuman túsedi.
Kókshetaý qalasynda da túnde jáne tańerteń tuman bolady dep kútiledi.
Buǵan deıin qazaqstandyqtarǵa birden alty qalada qolaısyz meteorologııalyq jaǵdaılar bolatyny eskertilgen edi.
Buǵan deıin aldaǵy kúnderi atmosferalyq fronttardyń ótýine baılanysty Qazaqstannyń basym bóliginde jaýyn-shashyn (jańbyr, qar) kútiletinin jazdyq. Eldiń shyǵysy men ońtústik-shyǵysyndaǵy taýly aýdandarda qar jaýady, al batysta jańbyr jaýady. Tek Ulytaý oblysynda jaýyn-shashynsyz aýa raıy boljanady.
Respýblıka boıynsha tuman túsedi, eldiń shyǵysynda kóktaıǵaq kútiledi. Batys óńirlerde naızaǵaı oınaıdy. Ońtústik jáne ońtústik-shyǵys óńirlerde túnde 1–7 gradýs aıaz bolady.
