79 jastaǵy qart Shymkentten Tashkentke velosıpedpen jetti
Qart júzden astam km joldy jarty táýlikte júrip ótken. Endi ol Ózbekstannyń kóne qalalary men tarıhı oryndaryna barýdy josparlap otyr. Aqsaqal mundaı uzaq jolǵa alǵash ret shyǵyp otyrǵan joq. Velosıpedti janyna serik etken ol 30 jylda 20 myń km-den astam joldy basyp ótken. Al Qazaqstan táýelsizdiginiń 25 jyldyǵy qarsańynda ol Aýǵanstan astanasy Kabýlǵa jetken. Ol ýaqytta qart 75 jasta bolǵan. Bıylǵy saparyn Keńesbek Seıtimbet Ózbekstannyń Qazaqstandaǵy jylyna arnady.
«Qystyń qaqaǵan sýyǵy men shildeniń aptabynda úlken saparǵa shyǵý qıyn kórinetin. Biraq men sportpen kóp shuǵyldanam. Kúnde jattyǵamyn jese de bolady, sol sebepti sharshaý degendi bilmeımin. Qazaq pen ózbek bir týǵan aıǵaıyn halyq. Eń bastysy bizge beıbitshilik pen dostyq qarym-qatynasty saqtaý kerek»,-deıdi Shymkent turǵyny Keńesbek Seıtimbet.