№79 gımnazııanyń muǵalimi Alma Igilikova «Almaty jyl muǵalimi - 2010» konkýrsynyń jeńimpazy atandy
/strong>Naýryzdyń 17-i. QazAqparat / Ádilet Musahaev / - Búgin Almatyda qala ákimi Ahmetjan Esimovtyń qatysýymen «Almaty jyl muǵalimi - 2010» konkýrsynyń jeńimpazdaryn marapattaý rásimi ótti,
dep habarlaıdy QazAqparat.
Shara barysynda №79 gımnazııanyń aǵylshyn tili pániniń muǵalimi Alma Igilikova atalmysh konkýrstyń jeńimpazy atanyp, bir bólmeli páterge ıe boldy. Basqa júldegerlerge aqshalaı syılyq, marapattaý qaǵazdary jáne demeýshiler atynan mýzykalyq ortalyq, noýtbýk, sonymen qatar shetelde tájirıbeden ótý joldamasy berildi.
Bul sharany 2005 jyldan beri Almaty qalasy ákiminiń tikeleı qoldaýymen Bilim basqarmasy ótkizip keledi. Bıylǵy konkýrstyń qalalyq kezeńine qatysý úshin 87 muǵalim ótinish bergen. Jalpy tórt týrdan turatyn konkýrstyń úsh týry boıynsha fınalǵa 10 muǵalim shyqqan. Sońǵy kezeńde olar ashyq sabaqtar ótkizgen. Sharaǵa qatysýshylardy Almaty qalasy ákiminiń orynbasary Serik Seıdýmanov basqarǵan bilikti ádilqazylar baǵalaǵan.
