78 jastaǵy ájeı óz úıinde órtenip ketti - Túrkistan oblysy
TÚRKІSTAN OBLYSY. QazAqparat - Túrkistan oblysynda 78 jastaǵy zeınetker óz úıinde órtenip ketti. Qaıǵyly jaǵdaı Arys qalasynda bolǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, qart ájeıdiń úıi órtenip jatqany týraly habarlama kúndizgi saǵat 13.07-de túsken.
«Oqıǵa ornyna TJD-nyń 9 qyzmetkeri men 2 tehnıkasy, sondaı-aq polıtsııa qyzmetiniń tergeý tobynan 12 qyzmetker men taǵy eki tehnıka shyqqan. Jalyn jeke turǵyn úıdiń jatyn bólmesinen shyǵyp, 4 sh.m jer janyp ketken. Ondaǵy kórpe-tósektiń arasynan 1940 jyly týǵan azamatshanyń máıiti tabylǵan. Qazir órttiń shyǵý sebepteri anyqtalýda» delingen habarlamada.
Aıta keteıik, Túrikstan oblysynda aptap ystyqtan órt oqıǵalary jıilep barady. Jýyrda ǵana Saryaǵash aýdanyndaǵy «Arman» shıpajaıynyń negizgi ǵımaraty órtense, artynsha osy aýdandaǵy Jemisti aýylynda 4 úı janyp ketti. Ondaǵy órtengen kólikterdiń birinen 3 jasar búldirshinniń máıiti tabylǵan edi.
