770 páterge 5,6 myń úmitker: Astanada jastardan ótinim qabyldaý aıaqtaldy

12 qarashada Astanada jumys isteıtin jastar úshin satyp alý quqyǵynsyz jalǵa beriletin turǵyn úı baǵdarlamasyna qatysýǵa ótinim qabyldaý aıaqtaldy, dep habarlaıdy Kazinform elorda ákimdiginiń saıtyna silteme jasap.

Qatysu.zhilfond.kz portalyna barlyǵy 5 623 ótinim túsken.

Satyp alý quqyǵynsyz arendaǵa beriletin turǵyn úı baǵdarlamasy aıasynda jumys isteıtin jastarǵa 770 páter bólinedi.

«Azamattardyń ótinimderiniń qaralý statýsy týraly aqparat ótinim berý kezinde kórsetilgen telefon nómirine jiberiledi. Qorytyndy zhilfond.kz saıtynda jarııalanady», - delingen ákimdik málimetinde.