«+77» jáne «+76» halyqaralyq kodtarynan túsetin qońyraýlar «Qazaqstan» dep kórsetiledi

NUR-SULTAN. QazAqparat – «+77» jáne «+76» halyqaralyq kodtarynan túsetin qońyraýlar «Qazaqstan» dep kórsetiledi.

Bul týraly búgin QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın óziniń Facebook paraqshasynda jazdy, dep habarlaıdy QazAqparat.

«Apple kompanııasymen birge kópshilikti alańdatqan bir máseleni rettedik - endi «+77» jáne «+76» halyqaralyq kodtardan túsetin qońyraýlar «Qazaqstan» dep kórsetiledi. Apple ótinishimizdi barynsha jyldam qarastyryp, bizge yqylas tanytqanyn atap ótkim keledi. Sóıtip iOS 14 qoldaıtyn iPhone 6 jáne odan keıingi quraldardaǵy atalǵan problema sheshildi»,-dep jazdy mınıstr.