77 aýyl aýyzsýmen qamtyldy — Aqmola oblysy

ASTANA. KAZINFORM — Óńir halqyn aýyzsýmen qamtý men onyń sapasyna erekshe nazar aýdarylady. Bul týraly oblys ákimi Marat Ahmetjanov málim etti. 

— Bul maqsatqa bıyl 36 mlrd teńgeden astam qarajat bólindi. Osy jyly 77 aýyl sýmen qamtamasyz etiledi. Onyń ishinde 36 aýyl sý qubyrlary jelisin salý esebinen (20 myń turǵyn) júrgiziledi. Qazir 16 aýylda jumys aıaqtaldy.

Ákimniń baıandamasyna sáıkes sýmen qamtylatyn eldimekender: 
— Atbasar aýdany, Rodıonovka jáne Kalınovka aýyly;
— Astrahan aýdany, Pervomaıka, Jambyl jáne Kamyshenka aýyly;
— Birjan sal aýdany, Zaozernoe jáne Úlgi aýyly;
— Esil aýdany, Igilik aýyly;
— Zerendi aýdany, Vasılkovka, Sadovoe, Zarechnoe, Ózen jáne Troıtskoe aýyldary;
— Býrabaı aýdany, Naýryzbaı batyr, Molbaza jáne Shıeli aýyly.
— 41 aýylda keshendi blok-modýl ornatyldy. Sý sapasyn jaqsartý maqsatynda bıyl 17 aýyldaǵy sý qubyrlary jelisi jańǵyrtyldy. Taǵy 10 aýylda jańǵyrtý jumysy jyl sońyna deıin aıaqtalady. Nátıjesinde 44 myń turǵyn sapaly aýyzsýmen qamtamasyz etiledi. Bıyl tamyz aıynda Kókshetaý qalasynda jańa sý tazartý qurylysy iske qosyldy. Jańa keshen zamanaýı tehnologııamen jabdyqtaldy, ol sýdy bes satyly tazartýǵa múmkindik beredi, — dep tolyqtyrdy oblys basshysy.

Aıta keteıik, buǵan deıin Marat Ahmetjanov Aqmola oblysynda apatty jaǵdaıdaǵy jáne úsh aýysymdy mektepter máselesi tolyq sheshilgenin málim etti.

Buǵan deıin habarlaǵanymyzdaı bıyl 7 myńnan astam aqmolalyq turǵyn úı jaǵdaıyn jaqsartty. 

Bıyl Aqmola oblysynyń dıqandary rekordtyq kólemde astyq jınady. 

Eske sala keteıik, Aqmola oblysynda astyqty tereń óńdeıtin alǵashqy zaýyt qurylysy bastaldy. 

Sondaı-aq 2026 jyly Qosshyda jańa elektr energııasy stantsııasy salyna bastaıdy.