77 adamdy óltirgen Breıvık Oslo ýnıversıtetine qabyldandy
ASTANA. QazAqparat - 2011 jyly 77 adamdy óltirip, 21 jylǵa sottalǵan jazasyn óteýshi Anders Berıng Breıvık saıası ǵylym kýrsyna Oslo ýnıversıtetine qabyldandy.
Ýnıversıtettiń rektory Ole Petter Ottesen málimdegendeı, «Norvegııalyq túrmelerde jazasyn óteýshilerdiń barlyǵy eger talapqa sáıkes kelse, joǵary bilim alýǵa quqyǵy bar.
Breıvıkti ýnıversıtetke qabyldaý týraly bergen eki jyl burynǵy ótinishi biliktiligi jetkiliksiz bolýyna baılanysty keıinge qaldyrylǵan. Sheshimdi qaıta qaraý sebepteri aıtylmaıdy.
Budan buryn Norvegııada birneshe atyshýly qylmys jasaǵan aıyptylardyń ótinishin qaraý kerek pe, joq pa degen taqyrypta pikirtalas ótken.
Ýtoııa aralyndaǵy jastar lagerinde qyrǵyn uıymdastyryp, 21 jylǵa sottalǵan Breıvıktiń merzimi uzartylýy múmkin.
