760 jeke qosalqy sharýashylyq sanaqqa qatysýdan bas tartqan

ASTANA. KAZINFORM – Strategııalyq josparlaý jáne reformalar agenttiginiń Ulttyq statıstıka bıýrosy Kazinform saýalyna joldaǵan jaýapta byltyrǵy aýylsharýashylyq sanaqqa qatysýdan neshe otbasy bas tartqanyn málimdedi. 

- 2025 jylǵy aýyl sharýashylyǵy sanaǵynyń qamtylý deńgeıi uıymdastyrylǵan sharýashylyqtar arasynda - 97,2%, al jeke qosalqy sharýashylyqtar arasynda - 96,9%. Bul qamtýdyń joǵary deńgeıin kórsetedi jáne sanaqtyń statıstıkalyq qorytyndylaryn keıinnen qalyptastyrý úshin derekterdiń reprezentatıvtiligin qamtamasyz etedi, - deıdi statıstıka mamandary.

Degenmen, sanaqqa qatysýdan bas tartqandar da bolǵan.

- Sanaq nátıjesi boıynsha 40 uıymdastyrylǵan sharýashylyq (jalpy sharýashylyqtar sanynan úlesi - 0,01%) jáne 760 jeke qosalqy sharýashylyq (úles salmaǵy – 0,05%) sanaqqa qatysýdan bas tartqan. Bul kórsetkishter jalpy sanaqtyń sátti ótýine aıtarlyqtaı áser etpegenin jáne sharýashylyqtardyń basym kópshiliginiń belsendi qatysqanyn kórsetedi, - dep jazylǵan resmı jaýapta.

Agenttik málimeti boıynsha, sanaqtyń naqty nátıjesi 2026 jyldyń ІІІ-IV toqsandarynda tolyq jarııalanady.

Eske salaıyq, atalǵan sanaq byltyr 21 qazanda aıaqtalǵan bolatyn.