76 jastaǵy qarııa orman ishinde adasyp qalǵan - Aqmola oblysy
KÓKShETAÝ. QazAqparat - Aqmola oblysynyń Býrabaı aýdanynda ormanǵa sańyraqulaq terýge baryp, adasyp qalǵan 76 jastaǵy qarııa aman-esen tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qyrkúıektiń 6-da saǵat 19:10 Býrabaı aýdandyq PB kezekshilik bólimine Kókshetaý qalasynyń 45 jastaǵy turǵyny habarlasyp, 76 jastaǵy qaıyn enesin izdeýge kómek suraǵan. Áıeldiń sózinshe, Şýchınsk qalasynda turatyn qaıyn enesi «Şýchınsk-Býrabaı» tas jolynyń Sarybulaq aýylyna burylar tusynda orman mańynan sańyraqulaq terýge ketken. Qarııa adasyp qalǵany týraly Kókshetaýda turatyn ulyna telefon arqyly habarlaǵan. Keıin telefonynyń akkýmýlıatory otyryp qalǵan. Bastapqyda uly áıelimen birge anasynyń aıtqan jerine barǵan. Alaıda, anasyn taba almaǵan soń polıtsııadan kómek suraǵan.
«Qarııany izdeýge Býrabaı aýdandyq PB jeke quramynan 30 adam men 11 qyzmettik kólik, aýdandyq TJB 14 qyzmetkeri, sondaı-aq, «Býrabaı» MUTP 10 jumysshysy jumyldyryldy. Qyrkúıektiń 7-de tańǵy 06:40 shamasynda qarııa din aman tabyldy. Onyń jaǵdaıy qanaǵattanarlyq, medıtsınalyq kómekten bas tartty», - dedi vedomstvodan.
«Qarııany izdeýge Býrabaı aýdandyq PB jeke quramynan 30 adam men 11 qyzmettik kólik, aýdandyq TJB 14 qyzmetkeri, sondaı-aq, «Býrabaı» MUTP 10 jumysshysy jumyldyryldy. Qyrkúıektiń 7-de tańǵy 06:40 shamasynda qarııa din aman tabyldy. Onyń jaǵdaıy qanaǵattanarlyq, medıtsınalyq kómekten bas tartty», - dedi vedomstvodan.
