757 mln jymqyrǵan: Astanada qarjy pıramıdasynyń basshylary sottaldy

ASTANA. QazAqparat – Astanada halyqtyń 757 mln teńge aqshasyn jymqyrǵan qarjy pıramıdasynyń basshylary 5-ten 7 jylǵa deıin sottaldy, dep habarlaıdy QazAqparat elorda sotyna silteme jasap.

4 shilde kúni Astana qalasynyń qylmystyq ister jónindegi aýdanaralyq sotynda «World Business Consulting» qarjy pıramıdasynyń basshylaryna qatysty is qaraldy. .

Sotta anyqtalǵandaı, M., K.jáne N. 2018 – 2022 jyldar aralyǵynda Astana qalasynyń aýmaǵynda «World Business Consulting» qarjy pıramıdasyn quryp, oǵan basshylyq etken. Olar azamattardyń jalpy somasy 757 mln teńgeni quraıtyn asa iri kólemdegi aqshasyn tartqan.

«Іs boıynsha Qazaqstannyń túrli qalalarynan barlyǵy 83 turǵyn zardap shegýshi bolyp tanyldy.

Sottalýshylardyń kinási zardap shegýshiler men kýágerlerdiń jaýabymen, aýdıtorlyq esep pen kelisimsharttarmen, sondaı-aq zardap shegýshilerdiń qarjy pıramıdasyna aqsha salǵanyn dáleldeıtin ózge de qujattarmen rastaldy», - delingen málimette.

Sot úkimimen M., K. jáne N. QR Qylmystyq kodeksiniń 217-baby 3-bóliginiń 2-tarmaqshasy boıynsha (Qarjy pıramıdasyn qurý) kináli dep tanyldy. M. jáne K. 6 jyl 8 aıǵa, N. 5 jylǵa bas bostandyǵynan aıyryldy. Olardyń sondaı-aq qarjy uıymdarynda basshylyq qyzmetter atqarý qyqyǵy shekteldi.

«Zardap shegýshilerdiń azamattyq talap-aryzdary qanaǵattandyryldy. Úkim zańdy kúshine engen joq», - delingen sot habarlamasynda.